Hivi rais kufuturisha siyo kufuja pesa ya umma?

Rais Dkt.Jakaya Mrisho Kikwete akiwasalimia baadhi ya wakazi wa mji wa Lindi waliohudhuria futari aliyowaandalia jana jioni mjini Lindi
Baadhi ya wananchi na viongozi walioalikwa katika futari iliyoandaliwa na Rais wa Jamhuri ya Muungano wa Tanzanian Alhaj Dk Jakaya Mrisho Kikwete,wakichukua chakula katika utaratibu maalum uiloandaliwa huko viwanja vya Ikulu Mjini Zanzibar.(21/08/2011)
Watu wakifaidi futari iliyoandaliwa na ubalozi wa Tanzania mjini London




Ingawa nchi yetu haina dini, watu wake wana dini. Hivi karibuni rais Jakaya Kikwete ameanzisha mchezo mwingine wa hatari ambao, kimsingi, ni kuchanganya siasa na dini. Amekuwa akifuturisha umati wa watu kwenye maeneo mbali mbali ya nchi. Ameishafanya hivyo Dar es salaam Mtwara na Zanzibar. Je ni halali kwa rais kutumia pesa ya watanzania waislamu wasio waislamu na wasio na dini kufuturisha watu wake? Je hii futari anayotoa rais anaitoa kama rais au mtu binafsi? Kwanini hafanyi hivyo nyumbani kwake badala ya ikulu? Je huu nao si ufisadi na matumizi mabaya ya pesa ya umma? Je watanzania wana shida ya futari au mambo mengine muhimu? Rais wa Zanzibar, mkewe hata ubalozi wa Tanzania nchini Uingereza nao wanafuturisha! Kwa pesa ipi na ya nani na kiasi gani? Imefikia mahali futari imekuwa dhihaka kiasi cha wahusika kuwafuturisha hata wasio waislam!
Tunahoji maswali haya si kwa chuki na dini yoyote bali kutaka kuwepo uadilifu na ulinganifu katika matumizi ya pesa ya umma.