Zitto anamdanganya nani?

• 

          Wanasiasa hawa waliochoka huwa wana tabia moja kubwa –hujionyesha kama hawajachoka. Mwenyekiti wa ACT wazalendo, Zitto Kabwe ambaye nimekuwa nikimheshimu sana, ameingia kwenye kundi hili. Sijui kama anajua au ni kwa bahati mbaya. Hivi karibuni akiwa Uwanja wa Mwembeyanga, Temeke, Dar es Salaam, Zitto alisema: “Majina ninayo haya hapa niwataje nisiwatajee! Ni wengi sana wengine wanamiliki kampuni kubwa.” ajabu Zitto hakujataja eti kwa sababu za kisheria. Sababu zipi  kama mhusika ana ushahidi wa kutosha na si maigizo na sanaa? Mbona Dk Wilbrod Slaa pale Mwembe Yanga Temeke mnamo15 Septemba, 2007 alitaja bila kificho wala kujificha nyuma ya legal technicalities au sababu za kisheria?

Ushahidi wa kimazingira unamuonyesha Zitto kama mtu mwenye ushahidi usio na uhakika au wa kuokoteza kama si kutengeneza ili kutafuta umaarufu kisiasa. Nijuacho mimi ni kwamba , kama una uhakika na ushahidi wako huna haja ya kuuficha. Ukiona mtu anasitasita kwenye ushahidi anaodai kuwa nao mtilie shaka. Zitto amenikumbusha marehemu Oscar Kambona aliyedai kuwa marehemu baba wa taifa alikuwa na fedha nyingi nje. Nyerere alimjibu kuwa amwage data ili watanzania wapime. Kutokana na kutokuwa na ushahidi madhubuti, Kambona aliishia kunywea  hadi mauti yanamkumba. Zitto asitake tumuweke kwenye kundi hili. Kama ana ushahidi na ameupata kisayansi basi amwage na wenye kuguswa washitaki ili wakutane mahakamani akama alivyofanya Dk Slaa Mwembe Yanga.

Zitto asitake kutupotezea muda au kutugeuza watoto au hamnazo. Kama ana uhakika na ushahidi wake anaogopa sheria gani wakati wahusika wakienda mahakamani atautumia ushahidi wake kuwaziba vinywa?

Kuonyesha alivyo mbabaishaji, gazeti moja liliripoti tukio la Zitto kuanika majina ya wenye fedha Uswizi ifuatavyo: Wakati maofisa wa ACT wakigawa orodha ya majina hayo, wananchi walionekana kuwa na shauku ya kupata nakala ya karatasi hiyo yenye majina 99 ya wafanyabiashara hao maarufu ndani na nje ya nchi, lakini kiongozi huyo hakuwa tayari kuwapatia na badala yake akiwaambia wasome magazeti ya kesho. Hata kesho yake ilipofika hakukuwa na kitu kwenye magazeti zaidi ya habari kuwa Zitto aligwaya kuwataja hao watu wake. Ajabu ya maajabu, badala ya kuanika uoza wa watuhumiwa, Zitto alianika uoza wake kuwa anachofanya ni usanii. Kwani angekuwa na data asingesita kumwaga ili kila mtu ajionee na kuamua mwenyewe. Tumempa mfano hai hapo juu kuhusiana na tukio ambalo limeacha historia ya pekee la Mwembe Yanga ambapo Dk Slaa alitimiza ahadi yake ya kuwataja mafisadi ambao hawajawahi kwenda mahakamani kwa vile alichosema ni ukweli mtupu.

Kwa upande wake, Zitto anapaswa aambiwe aache utoto na ubabaishaji. Kama ana orodha ya watuhumiwa wa kuficha fedha Uswizi aaanike. Kwanini Zitto anashindwa kujitofautisha na rais Jakaya Kikwete aliyejivua nguo hadharani kudai ana orodha ya majambazi, mafisadi na wauza unga akaishia kuumbuka hadi anaondoka na pigo hili. Je Kikwete alikuwa na orodha hizo au ulikuwa ni mkwara sawa na wa Zitto? Nadhani wakati wa siasa za kibabaishaji na kitoto tena zikifanywa na watu wazima umepita. Kama Zitto kweli ana majina, hana sababu ya kuyaficha au kuyatoa kwa baadhi ya watu. Je Zitto alidhani waandishi wa habari ni mabwege na wajinga kiasi cha kuanika majina ambayo mwenye kuyatoa ameogopa kuyaanika? Zitto go tell it to the birds. Acha usanii na unachosema ni majina ni uzushi vinginevyo usingeogopa kuuweka wazi mwenyewe.

Japo alipotimliwa kutokana Chama cha Demokrasia na Maendeleo (CHADEMA) wengi walikosea kuona kama anaonewa, sasa Zitto anaanza kuonyesha sura yake halisi. Kama Augustine Mrema, Zitto si mali chochote zaidi ya mtafuta ukuu na mkuu bila kufuata utaratibu. Kitendo cha Zitto kutamka kuwa ataweka wazi majina ya mafisadi walioficha fedha Uswizi akaishia kugwaya na kuufyata ni ushindi kwa haki kuwa waliomtimua CHADEMA hawakumuonea. Zitto anazidi kufichua sura yake ya kweli ambayo wengi hawakuijua.  Wapo wanaomuona kama mtu mwenye papara na siye na subira. Pia wapo wanaomuona kama mroho wa madaraka asiyeangalia hata njia anayochukua kuyafikia. Na yote kati ya yote hajakomaa kisiasa.

Na hii si mara ya kwanza kwa Zitto kuonyesha uhovyo na uoza wake. Alipokabiliwa na tishio la kutimliwa toka CHADEMA alisikika akitishia kumwaga mtama kuhusiana na uoza wa CHADEMA. Nini kilitokea zaidi ya kunywea na kuanza kuomba msamaha huku CHADEMA wakiamua kuondoa gugu kwenye shamba lao? Muone sasa akiwa nje tena kwenye chama alichokianzisha kabla ya kuhama CHADEMA anavyoendelea kuadhirika. Tumemlinganisha Zitto na Mrema kwa makusudi. Wote wawili wanafanana kwa tabia na haiba.

Tumalize kwa kumuuliza Zitto, je anataka kumhadaa na kumdanganya nani? je kwanini habadiliki wala kusoma alama za nyakati kuwa wakati wa siasa za kisanii, usaka tonge na uganganjaa ulikwisha zamani? Je Zitto anatoa tishio hili ili kupata nini kama siyo kutafuta umaarufu na saa nyingine chochote kitu? Je atafanikiwa wakati janja yake imeishajulikana? Nategemea Zitto atajibu hoja hizi. Kwani ana nafasi ya kufanya hivyo.

Chanzo: Tanzania Daima Julai 12, 2015.

Mlevi atabiri kufunjika ndoa za kipolitiki

Leo gwiji natabiri kuvunjika kwa ndoa za kipolitiki. Huu ni utabiri sahihi japo wa hatari. Hivyo, yawapasa kutafakari na kuchukua tahadhari. Natabiri bila kusita lau mchukue tahadhari. Utabiri huu ni hakika. Hivyo, uzingatieni ili kuiepuka nakama. Ada yangu ni kusema. Sitaki mseme hakusema wakati nilisema. Najua mtalaumu japo sitaki mnilaumu. Nasema mtajilaumu kama hamtazingatia. Najua mtasikia mjifanye hamsikii. Ila siku ikijiri mtasema alisema tena nazidi kusema kuwa ndoa nyingi za kisiasa zitavunjika

Nitabiri Mzito Kabwela kutalikiwa akiisha kuadhiriki. Kwani siku zilipita? Si mnamuona anavyohaha na kuadhirika. Juzi kaja na yada yada. “Oh nitataja majina ya walioficha fedha Uswizi ya Uswazi.” Alipoambiwa taja kwani alitaja. Ataje nini wakati hana la kutaja? Mbona Dokta Silaha pale Mwembe Yanga alitaja hata ndege wakamsikia na wote wakamwamini. Nini kinamzuia kama siyo kukosa la kusema na wale wa kuwataja? Badala ya kutaja aliishia kujing’ata huku akisaka sifa asizipate.

Kwa kitaalamu hawa nyemelezi na wasaka tonge huitwa political hookery whores. Wapo wengi na mtawajua. Hamkusikia mmoja toka CHAKUDEMA akitangaza kuomba talaka ufikapo wakati wa uchakachuzi. Nani aliamini kuwa zee zima lingekuwa hovyo kama Kimdunge Ngumbaru Mwehu aliyejigeuza nepi ya Luwasha?

Sasa nasema bila kumung’unya kuwa ndoa nyingi ziko msambweni. Kule kwa akina yakhe mambo yeshaanza. Yule bi harusi mwenye madevu keshapewa vipande vyake akibaki kutishatisha kuwa muhula huu patachimbika bila jembe. Utabiri wangu unanionyesha kuwa kule kutakuwa na zali usipime hasa ikizingatiwa kuwa mmoja wa mabibi harusi umri ushamuacha. Hivyo, shurti afe na mtu hata kama ni kung’ang’ania lau aoelewe kwa lazima.

Gwiji sifanyi usanii. Nafanya kweli tena kweli haswa. Natabiri tena si kwa kuokotaokota kama yule shehe kidhabu aliyekuwa akitumiwa na waganga njaa na matapeli wenzake kutishia watu kifo asijue kitamnyakua. Natabiri bila kuficha kuwa uchakachuaji utakapokwisha msishangae watu kufikishwa The Hague baada ya kutembeza undavandava na kila aina ya vipigo.

Nilitabiri wengi hawakunielewa. Wakumbuka nini nilitabiri? Nilitabiri utitiri wa wasaka urahis toka Chama Cha Mafisi (CCM).  Nilitabiri kuwa wataibuka wengi wakiutaka ulaji rahisi kiasi cha kuacha chama kimegawanyika na kuparaganyika kisijue nini cha kufanya. Nilitabiri marafiki kugeukana. Kwani mara hii mmesahau vilio vya wale waliowahi kujinadi kuwa urafiki wao na wanene si wa barabarani. Wako wapi sasa kama si barabarani wakihanikiza wale wale waliosema ni washikaji wao wawaunge lau mguu kama si mkono?

Nawatabiria CHAKUDEMA wakae mkao wa kukosa baadhi ya vidhabi. Naona kidhabi mmoja kule Simiyu akijiandaa kuomba talaka. Mwamjua kwa jina. Basi kama hammjui ngoja niwatonye. Anaitwa Joni Magalele Ni Buda na kweli ni buda kweli kweli.

Kwa ndugu zangu wa KAFU ukweli ni kwamba ngoma ni nzito.  Hapenyi mtu hasa usawa huu. Mtatoana ngeu na kuishia kuwa washitakiwa. Kisa? Kutaka ulaji rahis.

Je mnakumbuka kuwa nilitabiri kuwa mbayuwayu atawatema wale waliomtegemea huku akihangaika kuokoa roho yake?  Kwani hajui aliyofanya kwa miaka yote ya uzururaji na utanuaji? Anajua na wote mnajua kuwa aendako pakanga asipopata mtuwe ili amsitiri kama alivyomfanyia Tunituni ilipoibuka Kiwila.

Natabiri hali itabana. Wengi wataumia kwa presha. Wapo watakaopoteza mishiko mikubwa baada ya kuwekeza kwenye ndoto za kupata urahis ili wale kirahisi. Naona laana ya mwenyewe asiyetajwa hovyo aliyeniamuru kutabiri. Naona ikiwatafuna wengi walioba na kujilimbikizia minjuluku wasijue wataitema kwenye mambo ya hovyo na ya ndotoni kama kuwania urahis. Naona wengine wakilazwa baada ya kipenga cha mwisho kupulizwa. Wengi watavuka mipaka ya vyama vyao wakihamia vingine. Wapingaji watapata mtihani mkubwa wa kuwapokea au kuwakataa makapi na makahaba wa kisiasa wanaotafuta pa kuponea. Watajikuta kwenye kishawishi kikubwa cha yupi wampokee na yupi wamwengue. Wataanza kugombana wao kwa wao tokana na ujio wa wageni wao watalikiwa watarajiwa. Hali itakuwa tete usipime. Patakuwa hapatoshi kwenye uringo wa siasa. Visasi visa na mikasa vitahanikiza.

Natabiri kuwa rushwa itatembea kwa kiasi ambacho wengi hatukutarajia wala hatujawahi kushuhudia. Sarafu ya Bongolalaland itahujumiwa na kushuka kama vile inaharisha. Nadhani niliwahi kulitabiri hili japo wengi walidhani ni bangi zangu na ulabu. Ngoja yatakapowakuta ndipo watanikumbuka wasijue nini cha kufanya. Msifanye mchezo na maisha hasa usawa huu mnapohenyeka kutafuta walaji wengine. Nawaonea huruma hasa kipindi hiki ambapo urahis umegeuka ulaji rahisi. Wengi sera yao ni it is our time to eat. Wataitana kila aina ya vinyamkera na nyemelezi wawageuze asusa kama mtachagua kwa pupa. Msikubali tena kuingizwa mkenge kama huu unaoisha. Chagueni wale mnaofafana nao ili wawafae hapo baadaye. Najua wengi hawataambua kitu kwa vile naongea kinabii. Sina jinsi ya kuwasaidia zaidi ya kuwanasihi wajielimishe ili lau waweze kujua mambo makubwa kama haya nitabiriyo.

Nasema bila kusita kuwa jihadharini na vyangudoa wa kisiasa. They are looking for someone to hook on. Wakishatimiza haja yao wanawapiga kibuti ding ding ding na mnabakia kulia na kulalama huku wao wakiwacheka. Manaowaona kondoo sasa ni mbwa mwit wa kesho watahadharini. Wasikilizeni kwa makini mkitia nukta kila hoja ili muepuke mitego ya kipumbavu.

Namaliza kwa kurejea angalizo langu. Sitaki mseme sikusema wakati nilisema. Nataka siku ikifika mseme hata kwa kujilaumu kuwa gwiji alisema japo hatukumsikiliza. Nataka mseme alituonya ila hatukuonyeka. Msema tulisikia ila tukajifanya hatukusikia kama hamnazo.

Kwa leo ni hayo tu. Ni masahibu ya kuvunjika ndoa za kipolitiki.

Chanzo: Nipashe Julai 11, 2015.

Je Mwananchi wana mtu wao au?

  Ukiona mzee Pombe Makufuri alivyotuna katikati ya wote unaanza kuona nani atapeperusha bendera ya mafisadi. Hata hivyo , ukiwapiga darubini tano bora unaona wazi kufilisika, kuisha na kuishiwa kwa CCM. 

Hii itasaida CCM kupata mgombea safi

First raider mtarajiwa anavyoonyesha uongozi bora!

Where Are Africa's Seers?

Prophets,
We used to have seers
They’d see wide and far
Mugo saw butterflies
Amah, the ugly ones,
Senghor saw Negritude,
Chinua saw some osus
Nkwazi sees academic toxicity
Lumumba sensed the danger
Nyamnjoh sings grand narrative’s deceit
I see ethical and political prostitutes
Let’s rebel against them at all cost
We’re are our own neo-seers
Those with many certificates,
Where are their theses?
Theses of manumission
We need to see their submissions
Let me tell them.
Folks, what’s your wisdom
If we’re sold as you keep mum?
Look at this paradigm.
We need to do something
To embark on paradigm shift
Based on our own song
The song of our freedom
Source: African Executive as adpted from my new book SoS

Kijiwe chastukia “kufuturisha”

Shehe Mrisho  Jakaya Kikwete alipokwenda kufuturu kwa shehe Peter Mizengo Pinda

 Baada ya mwezi wa ramazani kuanza, tumeshuhudia mengi ya kuchekesha na kusikitisha. Umezuka mtindo wa mashirika yanayopaswa kutokuwa na dini eti nayo kufuturisha. Hivyo, kijiwe kimekaa kudurusu kadhia hii na kutoa baadhi ya maelezo na maelekezo kwa wenye kuzifuata na kujua dini.

Mzee Kidevu analianzisha leo, “Leo Sofi dadangu umependeza. Hiyo hijab ilivyokukaa, mashaallah.”

Sofia Lion aka Kanungaembe anatabasamu na kusema, “Kaka nashukuru. Huu mwezi mtukufu. Lazima tumpendeze Subhanna wa Taala kwa kujipendekezesha kimwili na kiroho ati.”

Mpemba anadandia, “Yakhe naungana nawe. Shurti waja tujipambe kiimani ili kumpendezesha Subhanna.”

Mbwamwitu hangoji Mpemba amalize. Anachomekea, “Ami mbona wewe hujatia hiyo kitu kama kweli lengo ni kumpendezesha Mungu?”

“Wamaanishani? Yaani wataka mie nivae hijabu!” Mpemba anajibu kwa kuchukia kidogo.

“Hasha shehe. Naamisha kuvaa kile kitambaa ambacho wanaume huvaa hasa watokapo hijja au wakati wa mwezi mtukufu.” Anajitetea Mbwamwitu.

Mpemba anajibu, “Yakhe uislam si viremba na hijab bali matendo matukufu ya mja mbele ya Mnyazi Mngu.”

Mijjinga aliyekuwa akisoma gazeti la Cheka Ulie anaamua kutia guu, “Mie nilidhani mtaongelea huu upuuzi uliozuka ambapo mashirika na watu wasio waislamu eti kuandaa futari na kufuturisha. Hivi inakuwaje kama hakuna namna mtu asiyefunga kuwafuturisha waliofunga kama siyo rushwa na kusaka umaarufu?”

Kapende anakula mic, “Shehe Mijjinga imekuwa kama umeyasoma mawazo yangu! Hata nami napinga na kushangaa huu mchezo wa hatari. Iweje mashirika yasiyo na dini kufanya mambo ya kidini kama siyo kutangaza biashara zao?”

Mipawa anaingilia kati, “Hakuna walioniacha hoi kama lile kampuni fisadi la simu ambalo limefunga mitambo mibovu na kutulangua huduma eti nalo kufuturisha.”

Msomi Mkatatamaa anaamua kutia guu, anakwanyua mic, “Msemayo yana mashiko hasa ikizingatiwa kuwa makampuni mengi yanayojitia kufuturisha mengi yanakwepa kodi na kutoa huduma mbovu. Je mnafahamu kuwa kupiga simu kwenye kaya yetu ni aghali na shida kuliko kaya jirani? Heri wangeshughulikia jinai kama hii badala ya kuwatumia waumini kuficha uchafu wao ili waonekane wanawajali wakati wa wanawaumiza.”

Sofi hakubaliani na Msomi. Anakatua mic, “Jamani mnataka mfanyiwe nini ndiyo mridhike? Sasa suala la kulipa kodi au kutolipa kodi kuwa na imani au kutokuwa na imani linaingiaje kwenye kutenda wema kama vile kufuturisha waumini?”

Mheshimiwa Bwege hangoji wengine wavuruge. Anadandia mic, “Da Sofi unamaanisha kuwa hata shetani akifuturisha basi tupwakie kama nguruwe, mbwa na fisi siyo? Kufuturisha kuna sharia na kanuni zake dada. Hata manaswara wanapofunga wanakuwa na namna yao ya kufuturu. Hivyo, nakubaliana na  wanaoshuku mchezo huu ambao nao ni aina fulani ya ufisadi.” 

Mzee Maneno anachomekea, “Wape vipande vyao shehe Bwege wajue kuwa sisi ni mashehe wa nguvu ingawa wapo hata mashehena miongoni mwetu.”

Mpemba anauliza, “Shehe mbona wantisha. Hao mashehena akina nani unosema hapa?”

Mheshimiwa Bwege anasema kwa utani huku akimtazaman Mbwamwitu, “Unadhani kiumbe kama Mbwamwitu ni shehe au shehena?”

Mbwamwitu anacheka na kusema, “Shehe au shehena yote poa tu ilmradi nipate changu au vipi? Mie nikikaribishwa hata na sheitwan naramba tu.”

Mgosi Machungi ambaye alichelewa kutokana na kupitiwa na usingizi anakula mic, “Kwa sisi mashehe azima tiseme wazi wazi kuwa makampuni tena yenye kutia shaka kufutuisha ni kuutukana usiam. Hatiwezi kunyamazia uchafu kama huu eti kwa vie tinapata iziki. Mashehe wa kwei kama sisi tinaogopa kula haamu bwana. Si vizui kwa makampuni tena ya kitwahuti kufutuisha. Na hii ni fatwa natoa kama shehe mwenye msimamo.” Kijiwe hakina mbavu kwa jinsi shehe Mgosi anavyopitisha fatwa.

Kanji ambaye anaonyesha wazi kutovutiwa na mada anaamua kutia guu. Anakomba mic, “Nyinyi dugu yangu nini napata nyinyi. Siku hizi feza iko tabu bwana. Kama kampuni nakaribisha veve futuru nenda future. Napunguzia veve zigo ya nunua futari sasa wakati nalangua kila sokoni.”

Msomi anarejea, “Ngoja tuseme ukweli bila kupindisha. Tatizo hapa ni kubwa kuliko kufuturu na kufuturisha. Tatizo ni kwamba kaya yetu imegeuka taifa la kufadhiliwa hata kwenye vitu vidogo kama milo. Kama tunaishi kwa kuomba omba wakati tumejaliwa uchumi lakini tunaukalia kwanini wanaojua udhaifu wetu wasiutumie kutudhulumu, kutudhalilisha hata kuingilia imani zetu kama mnavyoona? Dini ya makampuni na wafanyabiashara ni faida na mungu wao ni fedha. Hii yote mnayofanyiwa ni danganya toto na kuwaonyesha kuwa hamnazo na ni waroho wanaoweza kupwakia kila kitu hata kama ni halali au haramu. Wapi imeandikwa kwenye msahafu kuwa asiyekuwa muumini anaweza kumfuturisha muumini?”

Sofi leo kapania. Anakwanyua mic na kusema, “Mbona mnauliza majibu badala ya maswali? Kwa taarifa yenu kutenda wema ni uumini tosha bila kujali anayetenda kama ana shahada au la.”

Msomi anajibu, “Uumini ungekuwa rahisi hivyo mbona kila mtu angekuwa muumin! Kutenda wema ni kutenda wema na kuwa muumini ni kuwa muumini. Ni vitu viwili tofauti. Maana ukijumlisha hivyo, unamaanisha kuwa na wakristo au wasio waumini wa dini yako wote ni wa dini yako. Hii ni hatari.”

Kijiwe kikiwa kinanoga si adhana ikapigwa! Acha tuchangamkie tenda hasa usawa huu wa ukapa kutana na ukwete!

Chanzo: Tanzania Daima Julai 8, 2015.

Tuhuma za ufisadi: Mchawi wa Lowassa ni Lowassa

Ingawa mtia nia waziri mkuu wa zamani aliyeondoka madarakani kwa kashfa ya Richmond Edward Lowassa mbunge wa Monduli analaumu wanaomtuhumu ufisadi, anapaswa kujilaumu mwenyewe. Ndiyo maana tunasema kuwa mchawi wa Lowassa ni Lowassa mwenyewe na uchawi utakaommaliza si mwingine bali ukimya na kujipa matumaini hata pasipohitajika kufanya hivyo.

“Nataka nitumie fursa hii kuwataka wale wote ambao wamekuwa wakinituhumu kwa miaka kadhaa sasa na kunihusisha na suala zima la rushwa, nawaambia waache mara moja, kwani hakuna chembe hata ya ukweli wa maneno hayo.” Utetezi wa namna hii licha ya kuwa mwepesi unaonyesha mwoga wa mhusika. Kwa wepesi na ukosefu wa mashiko wa utetezi wake, Lowassa licha ya kuwachochea waseme sana, amejionyesha kama mtu mwoga ambaye hana ubavu wa kuwashughulikia wahusika. Wengi walitegemea wasikie akisema kwenda mahakama kuwashitaki wahusika. Kusema kuwa waache tu hakuna uzito wowote hasa ikizingatiwa kuwa yumo kwenye mbio za kisiasa.

 Kama wanaomtuhumu wanasema uongo basi yeye angekuja na ukweli badala ya jibu la mkato kuwa hakuna ukweli bila kuonyesha uongo wa wanaomtuhumu. Lowassa alisema kuwa amechoshwa na majungu asijue majungu haya anayosema anayasababisha yeye kwa kukalia kimya shutuma zinazomkabili.

“Natoa changamoto kwa yeyote mwenye ushahidi wa tuhuma hizo za kipuuzi, autoe na aeleze kwa ushahidi rushwa yoyote inayonihusu, aseme nimechukua lini, kwa nani, kwa lipi na kiasi gani?” Anachopaswa kufundishwa Lowassa ni ukweli kuwa mahakama ya kisiasa si sawa na ya kisheria. Na isitoshe, watu wanaweza wasiwe na ushahidi kama anavyoutaka lakini mazingira yakawa ushahidi wa kutosha. Kwanza, kwanini azushiwe yeye? Jibu ni jepesi kuwa lisemwalo lipo kama halipo laja. Ushahidi wa mazingira unaonyesha kuwa –kama anavyokiri Lowassa mwenyewe–alianza kutuhumiwa zamani. Hivyo, madai ya ufisadi wa Lowassa si suala la siasa za kuchafuana au mbinu ya wapinzani wake kummaliza kisiasa. Kama anakiri kuwa ametuhumiwa kwa miaka mingi hata kabla hajaingia kwenye kinyang’anyiro anategemea nini sasa? Mbona hili jambo ni jepesi kuelewa?

Pili, Lowassa ni mtu mwenye bahati ingawa bahati haiji mara nyingi. Kama ametuhumiwa miaka mingi iliyopita, hata kupewa uwaziri mkuu ilikuwa ni bahati. Wengi wanajua jinsi marehemu baba wa taifa Mwl Julius Nyerere alivyokatiza mbio za Lowassa na Jakaya Kikwete mwaka 1995 baada ya kudai walikuwa wamepata wapi pesa ya kukodisha ndege kwenda na kurudi Dodoma kuchukua fomu. Nyerere wala hakuzungusha. Alikaririwa akisema kuwa wengine wamejilimbikizia utajiri ambao wasingeweza kuutolea maelezo. Tangu Nyerere afyatue kimondo hiki kiligeuka kongwa kwenye shingo ya Lowassa. Anachopaswa kujiuliza Lowassa ni kwanini maneno ya Nyerere yalitafsiriwa kuwa yalimlenga yeye wakati walikuwa wawili kama hakuna namna? Jibu ni simpo kuwa Nyerere aliwalea akina Kikwete na Lowassa. Hivyo, alikuwa anawafahamu vizuri sawa na wanachama wenzake Lowassa wanaosema wazi wazi kuwa hana udhu.

Hivyo, lazima tusema kuwa utetezi wa Lowassa ni dhaifu na unaonyesha kama kuna kitu anaogopa kukigusia kwa sababu ajuazo mwenyewe. Kimsingi, asipofanya maamuzi magumu atazidi kuandamwa.  Aige mfano wa Barack Obama. Alipotuhumiwa kuwa aliwahi kuvuta bangi alikiri na kuomba msamaha na mambo yakaisha akaendelea kuwa rais.

Japo hakuwataja wanaomsema, wapo wanajulikana kuwa wengine ni wanachama wenzake na watia nia wenzake wanaomfahamu fika. Sikumbuki kama ameishakwenda Butiama kutafuta kuungwa mkono na familia ya Nyerere kama wenzake walivyofanya. Nadhani wengi wanajua sababu ya Lowassa kutofanya hivyo.

Lowassa ameshindwa kujitofautisha na watu kama Nazir Karamagi, Andrew Chenge na Ramadhani Madabida ambao mazabe yao yanajulikana kwa watanzania walio wengi! Je anajenga picha gani? Je kwanin Lowassa hataki kuongelea kashfa iliyomtoa madarakani tena kwa hiari yake baada ya kupewa kitanzi ajimalize naye akachagua kujitundika kuliko kutundikwa? Je anadhani kuwa doa la Richmond anaweza kulifuta? Sidhani kama waathirika wa ujambazi wa Richmond walishasahau migao na kulanguliwa umeme. Je Lowassa anashindwa kuelewa kuwa kujitokeza kwa watia nia wengi chamani mwake tena wasio na doa ni ushahidi kuwa CCM ina wigo mpana wa kuchagua mbeba bendera yake? Sijui wanaomshauri Lowassa ni akina nani wasiomuonea huruma. Maana, kwa wataalamu wa mikakati, anachofanya Lowassa ni kuzidi kutumia fedha zake kwenye mradi ambao matokeo yake yanajulikana kuwa hauna faida.

Lowassa anahangaika na wanaomtuhumu ufisadi chamani mwake wakati wapinzani wanaojua kila kitu hawajafungua midomo. Sijui hata kama anaweza kuwazidi kete CCM akapita kwenye chujio, atafanya nini atakapokutana uso kwa uso na wapinzani ambao kimsingi ndiyo walioibua kashfa nzima ya Richmond na wakaisimamia pamoja na vitisho vyote walivyowekewa? Nadhani hata CCM nao hawawezi kuwa wazembe kiasi hiki wakaja na mtu ambaye atakuwa soft target ya wapinzani kutokana na kujua madudu yake. Hapa ndipo mchawi wa Lowassa anapozidi kuwa Lowassa.

Tumalizie kwa kumpa ushauri wa bure Lowassa kuwa kama anataka wanaomwandama kwa uongo wakome basi aanike ukweli ili wananchi waamue wenyewe badala ya yeye kukaa kimya akisema wasemayo si ukweli wakati ukweli wenyewe hauweki wazi. Kama hatafanya hivyo, basi Lowassa afahamu kuwa mchawi wa Lowassa si mwingine bali Lowassa mwenyewe.

Chanzo: Dira Julai 6, 2015.

CCM inapowaandaa watanzania kuwachakachua

 

          Tambo na mipayuko ya Katibu wa Itikadi na Uenezi wa Chama Cha Mapinduzi (CCM) Nape Nnauye kuwa  itashinda hata kama ni kwa bao la mkono, ni tangazo la  hatari lililopaswa kuwachefua na kuwahamasisha watanzania kuingia mitaani. Lakini wapi! Ama kweli aliyeiroga Tanzania alishajifia miaka mingi. Nnauye alikaririwa akiwa Sengerema akisema, “Rangi inayoenda Ikulu ni hii (anaonyesha shati lake la kijani ambayo hutumiwa na chama hicho). Tuna uhakika na ushindi wa Rais. Kwa namna yoyote ile, CCM itarudi Ikulu hata kama ni kwa bao la mkono... bao ni bao tu ili mradi refa hajaona.” Kwanza, sijui alipitiwa au ni tabia ya kuropoka tu bila mdomo kuwasiliana na ubongo.  Pili, je alipitiwa au kuropa kweli au ni ile hali ya kuwaona watanzania kama mabunga unaoweza kuwatukana tusi lolote liwe la maungoni na au juu ya wazazi wao wasikufanye kitu? Tatu, je Nnauye alisema aliyosema kama namna ya kupima maji ili aone watanzania watalichukulia na kuitikia vipi?

          Ingawa ukisema kuwa kiama cha CCM kinakaribia unaonekana kama mnazi na shabiki wa upinzani, kimsingi, CCM imeishiwa kiasi cha kuwapa silaha wapinzani waibomoe kirahisi. Maana sikutegemea kusikia uoza kama huu toka kwa kiongozi wa juu wa chama hasa wakati huu ambapo CCM imeparaganyika kiasi cha kuwa na wasaka urais wanaoibomoa bila huruma wala adabu. Ama kweli la kufa halisikii dawa.

          Je kitendo cha watanzania kukaa kimya si kuhalalisha njama hii ya kuiba kura na kuhakikisha CCM inashinda? Nadhani alichotaka kusema Nnauye ni kwamba kuandaa uchaguzi ni kama kupoteza muda na fedha au kutimiza mradi. Maana CCM lazima ishinde kwa goli la mkono kwa vile refa hataona. Je Nnauye anamaanisha refa atakayesimamia mpambano huu atakuwa kipofu au ameishakatiwa chake kiasi cha kuwaahidi waliomhonga tayari kuwa wafanye watakavyo yeye hataingilia kati?

          Kitu kinachochanganya na kukatisha tamaa ni namna wapinzani wanavyochukulia mambo mazito kirahisi na kimzahamzaha kama alivyokaririwa katibu mkuu wa Chama cha Demokrasia na Maendeleo (CHADEMA) Dk. Wilbrod Slaa aliyekaririwa akisema, “Kwa bahati mbaya kauli za Nape siwezi kuzijibu. Kauli za Nape zichukue kama zilivyo, ingekuwa ni (katibu mkuu wa CCM, Abdulraham) Kinana, ningemjibu lakini ajue kuwa tutakutana Oktoba.” Kwangu mimi hili si jibu mujarabu hasa ikizingatiwa kuwa Slaa anaogopa kupambana na mbwa akingoja amuone aliyemtuma. Sioni kama kuna haja ya wapinzani kuchukua msimamo legelege kama huu hasa ikizingatiwa kuwa Nnauye aliyesema haya yuko kwenye ziara moja na huyo Kinana wanayemtaka.

          Nadhani jambo ambalo walipaswa kufanya wapinzani, ni kuwashitaki CCM kwa wananchi haraka bila kujali uzito wa aliyetoa kauli hii hatari. Nadhani, hata kama maneno yaliyosemwa na Nnauye yangelisemwa na kunguru hata paka wa CCM wapinzani walipaswa kuyapa uzito. Maana, alichofanya Nnauye ni kufikisha ujumbe aliopewa na wakubwa zake ili kupima maji kama tulivyosema hapo juu. Kimsingi, mtoto wa jirani akikutukana huwezi kunyamaza kwa kuogopa kukabiliana na mtoto. Badala yake utafunga safari uende kwa mzazi wake ili uone anajibu nini ili uamue kama udharau mambo ya kitoto au ule meza moja na mzazi mwenzako.

          Wengine waliopaswa kusimama na kutoa melezo ikiwamo kupinga kauli hii chafu ni Tume ya Uchaguzi (NEC). Lakini pamoja na uzito na uzushi wa hoja husika, NEC hawajapoteza muda kujibu wala kujadili. Hii inaweza kutafsiriwa kuwa wote wawili yaani CCM na NEC lao moja. Hivyo, wanauandaa umma kisaikolojia kuupiga bao la mkono si la kisigino kama tulivyozoea. Je namna hii tunalipeleka taifa wapi kama siyo kwenye machafuko kama alivyoonya Naibu mkurugenzi wa habari wa CUF, Abdul Kambaya ambaye alikaririwa akisema, “Lakini CCM wajue kuwa kutatokea machafuko makubwa iwapo wamejipanga kuingia Ikulu kwa njia hiyo ya bao la mkono. Kauli ya Nape ni ya kidikteta na inaonyesha dhahiri kuwa wamejikita kwenye utawala wa mabavu.” Kama kuna sehemu ambayo inaweza kukomesha mchezo huu mchafu si nyingine bali upande wa pili wa Muungano yaani Zanzibar ambao siku zote wameonyesha kiwango kikubwa cha kujitambua na kusimamia haki zao. Hivyo, tuombe Mungu haya wanayopanga wayafanye pande zote za Muungano waone cha moto.

          Lugha wanayotumia CUF ni ya kujitambua zaidi kuliko waliyotumia CHADEMA ya waache tutakutana Oktoba. Mtakutana Oktoba ili iweje iwapo kutoshupalia kauli ya Nnauye ni ushahidi tosha kuwa hamkujiandaa kukabiliana na  kadhia hii? Hata hivyo, akina Nnauye na CCM wanapaswa kukumbuka. Kama alivyowaonya mwenyekiti wao rais Jakaya Kikwete, mambo yanaenda yakibadilika. Wanaweza kudhani kuwa watanzania ni kichwa kile kile cha mwendawazimu ambacho wamekuwa wakijifunzia kunyoa kumbe siyo. Kimsingi, kauli za CCM zinaelekeza nchi kwenye machafuko tena ya kupangwa na CCM hiyo hiyo inayojinadi kuwa ni chama cha amani.

          Tumalize kwa kuwaonya wapinzani kuamka na kupambana hata kabla ya hiyo Oktoba. Pia tunawaasa watanzania waache kujifanya kama hamnazo kiasi cha kufanyiwa kila upuuzi tena kwa majigambo. Wasimame na kutoa tamko ili kufikisha ujumbe kwa kuingia mitaani japo kwa siku moja. Pia tunawaasa CCM waangalie mchezo wanaopanga kuufanya na madhara yake. Nani alitegemea kuwa Burkina Faso wangemtimua rais king’ang’anizi, wa muda mrefu na aliyeogopewa sana? Nani alijua kuwa miamba ya udikteta kama Muamar Gaddafi wa Libya angekufa kwa kipigo kama kibaka huku akilia kama kichanga? Tieni akilini na chonde chonde, tamaa zenu za madaraka zisituletee machafuko.

Chanzo: Dira Julai 2015.

Aspirants: Leave Mchonga alone

• 

 

          After presidency became a thingamajig for getting rich quickly, easily and by doing nothing, those seeking it use all means to get it. Recently, many sick and skinny politicians have dressed themselves down asserting that they want to do what the late father of the nation, Mwl Julius Nyerere wanted to be done. Such bankrupt aspirants need to be shown the door earlier so that boozers don’t commit suicide because of their rumpus and nuisance.

          Ironically, you’ll hear those he choked from running for presidency due to being tainted and unfit claiming that they want to fulfill Nyerere’s vision really? Dead people tell no stories.  Those who depend on the dead to justify their intents are as good as dead ideologically. This is why –to me, the late Nyerere is better than many living quacks that are trying to him to get away with murder. So, it is upon boozers to shun and punish such liars by not voting for them.

          Practically, Nyerere abhorred corruption. He always wanted people to ask those who want to become president by dishing dosh out how they made it. He, too, honestly wanted boozers to fear those spending dosh on political missions like leprosy due to the fact that the dosh they spend isn’t theirs and if it is theirs, they got it illicitly by robbing the same boozers they’re pretending to love now.

          Mzee Mchonga went on saying that those buying other are too bought. They have their masters who use them like caricatures to rob boozers shall such criminal get in power. So beware folks. For, not all who come saying they respect and love Nyerere do. They’re but pathetic warrens who want to use the dead to justify their evil and heinous intents of exploiting and vending you. Essentially, most of them are but hyenas in sheep’s clothing. Do you remember the carving aka Kinyago cha mpapure that Nyerere carried on his back and the way it let him down? Je nyinyi ni wavivu wa kufikiri?

          How will you know the liars you are supposed to fear like leprosy? Firstly, they tell lies without feeling any shame or guilty. Just imagine, for instance, those that Nyerere showed the door coming today saying that they want to fulfill his vision while they actually are the ones who felled it.

          Secondly, they try as much as they can to run away from their true history. Remember the guy whom Nyerere told that’s illicitly amassed wealth without any logical or explicable reasons? After Nyerere passed on, such a criminal is shameless standing on the pulpits saying that Nyerere wanted this and that and I am the one who can do it. Sir, go tell it the birds. We’re not such boobs to forget even what was said just yesterday. We know you. And you know yourselves even if you don’t want to face and accept it.

          The other day I heard one fibber saying, “If God allows me, I intend to enable this country to run fast and overtake our counterparts in the EAC.” Ironically, the same dude telling such lies is the one behind Richmonduli scam that robbed us billions of schillings. How can you overtake other EAC members while you sabotage our economy? Saying I can do this and that is one thing and doing it is another thing. I strongly urge boozers, first of all not to trust such a criminal and, secondly ask such a liar this question: What did you do when you’re in power? 

          The other day I heard one wino-cum-tenderfoot claiming that he fits in Nyerere’s big shoes. What an insult! How dare you while you can’t even fit in his kids’ shoes? Again, the sage has it that when a lion dies, rats can comfortably eat its hide. If anything, this is what many liars are doing –telling all sorts of lies in the name of Nyerere. Folks, we need to hear your policies as you shed light on your history instead of turning Nyerere into your make-believe policies. Nyerere did his job well and left. So, please leave him alone. If you hated him when he was alive, how could you love him posthumously?

          I salute Makongoro son of Nyerere for taking on some of the liars who want to use his father’s name to get away with murder. Remember what he said when he was declaring his candidacy? He was quoted as saying, “You will hear them say Team Lowassa, Team Membe, Team Pinda or Nchemba and the others. These teams are nothing but parties preparing how to share the national cake. To be a member of any one of these teams, you have got to have a lot of money. Those jostling to join them are those who want to make the money too.” What else do you want to hear so as to be warned of the dangers of the presidential aspirants who are hell bent to do whatever even if it means to break the laws or selling boozers to get presidency?

Source: The Guardian July 5, 2015.

Mlevi kushitaki kaya ICC

• 

                   Taarifa za nesi mshenzi, mnyama, mjinga, mpumbavu na muuaji kumkatalia mjamzito Rhoda Bujiku kule kwa akina Ng’wadila ng’waguku na ng’wa nyingi kujifungulia kwenye zahanati hadi akijifungulia chooni, zimekera hakuna mfano. Hivyo, nimeamua kufanya jambo moja la mbolea hata kama ni kilevi. Nimeamua kuchukua hatua ambayo itawakomboa akina Rhoda popote walipo kayani na ikiwezekana duniani.

           Ngoja kwanza nikuchapie. Vyombo vya umbea viliripoti kuwa nesi aitwaye Constancia John kule Maswa nkoani Simiyu alimnyima huduma mtajwa hapo juu eti kwa vile alikuwa anazaa kila mwaka. Jamani, alitaka azae kila baada ya miaka kumi au asizae?

          Pamoja na kosa hili kuwa kubwa na la kinyama, wengi tulidhani lisirikali lingetoa japo kauli ukiachia mbali kumkamata Constancia na kumnyonga mara moja. Haikuwa hivyo. Baada ya kuona lisirikali limekula pini lisijitetee kwanini lisirambwe bakora, nimeamua kuipeleka kaya kwenye mahakama ya kimataifa ya jinai almaaruf kama International Criminal Court (ICC) The Hague Uholanzi.  Ni mahakama hii iliyomtia jambajamba imla wa Sudani Kaskazi hadi akakimbia bila nguo kutoka Bondeni alikokuwa amekwenda kutanua na walafi na walaji wenzake wenye madaraka ambao hutumia kila sababu kwenda kuzurura. Siju wazururaji wetu wataishi vipi baada ya kuutema ulaji. Naona yule anatikisa kichwa akidhani natumia hii kama gea ya kwenda kutanua kama jamaa aliyeunguza njuluku zetu kwenda majuu eti kuaga utadhani kule ndiko alikopigiwa kura. Kama si kiherehere na kujigonga ni nini? Mtu mzima hovyo!

          Nina sababu za nguvu kadhaa za kuipeleka kaya hii ya Bongolalaland aka Danganyika kule The Hague.

          Mosi, nataka mahakama itangaze unyama wanaofanyiwa wajawazito kama jinai dhidi ya ubinadamu na atakayebainika kutenda kosa hili anyongwe baada ya kucharazwa bakora mia akiwa uchi huku akiwekewa pilipili na chumvi kwenye makalio baada ya kurambwa bakora.

          Pili, naipeleka kaya kwa vile imeshindwa kukomesha mauaji ya halaiki ya watu wenye ulemavu wa ngozi na vikongwe. Pia nitapendekeza watakaopatikana na hatia kwa kufanya mauaji haya ya kishenzi na kinyama watupwe kwenye mto uliojaa mamba ili waone utamu wa mchezo wanaocheza. Nilikuwa nimejitahidi kuvumilia. Hili la kumtesa mzazi limeniuma kiasi cha kuamua kufanya kweli sasa. Anapiga picha huyu aliyetendewa hivi angekuwa bi mkubwa wangu, dada, shangazi , shemeji au yoyote awaye. Je huyu mjalaana aliyetenda unyama huu angemfanyia mkeo au nduguyo zaidi ya kumpiga mapanga ungemfanya nini? Sishauri watu wapigane mapanga. Hasha. Nakwenda the Hague kukomesha mzizi wa fitina. Hivyo, msishangae mkisia rahis wenu ananyea debe mjue kijogoo mimi ndiye nimemsababishia hii kitu.

          Tatu, napanga kuipeleka kaya ICC kutokana na kushindwa kupambana na ufisi, ujambazi na ufisadi ambao kimsingi nao utangazwe kama jinai dhidi ya ubinadamu kwa vile unasababisha vifo vya mamilioni ya watu wetu wasio na uwezo wa kujitibia nje. Huyu bi mkubwa angetoa njuluku hata kiduchu angejifungua kama malkia wa Ukamerunini.

          Nne, nitafungua kesi ya kutaka kumlazimisha rahis kuwakamata mafisadi na kurejesha njuluku zetu zilizofichwa kwenye mabenki ya Uswazi na kwingineko. Maana wanaoficha njuluku nje wanaua wachovu na walevi wengi bila sababu yoyote isipokuwa roho mbaya na uroho wa kishetani. Naana mijitu mingine ina fedha ambayo haiwezi hata kuitumia hata kama ingeishi miaka elfu. Sasa kama si kichaa na roho mbaya mijitu ya namna hii inaiba kupata nini? Je mijitu kama hii ikichomwa moto kama vibaka itakuwa ni makosa? Ukichaa si kuokota makopo tu bali kufanya vitu visivyo vya kawaida. Mijitu yenye njuluku inayoendelea kuiba ni migonjwa ya kichaa inapaswa kuishi Milembe na si Masaki, Mikocheni na Uzitoni ikitanua.

          Katika kesi hii ya mafisadi nitafungua na kesi nyingine ndogo ya kuzuia watuhumiwa wote wa ufisadi ambao ni sawa na ugaidi kwa umma wasimamishwe kugombea cheo chochote hata kama ni cha kifamilia. Hapa ndugu zangu akina Eddy Luwasha, Endelea Chenga, Ni Ziro Kadamage, Hezeh Maige, na wengine wengi lazima wakatwe na kama vyama vyao vitalazimsha, wananchi wawakamate na kuwa-Gaddafi hadharani au vipi?

          Tano, nataka mahakama ya kimataifa itangaze uchakachuaji kama kosa linalokinzana na haki za binadamu. Kwani, kwa kuchakachua uchaguzi na kuzalisha watawala majambazi, wahusika wanakuwa wameua watawaliwa indirectly but maliciously and with malice aforethought. Acha nitumie lugha ya kipilato wajue nami ni learned brother hata kama nakata kanywaji na bangi. Bila bangi huwezi kuwa wakili mzuri.

          Sita, nitafungua kesi nyingine ya kudai uchakachuaji wa katiba ya wananchi ni uuaji wa halaiki ambao unapaswa kupigwa vita dunia nzima. Hii ni baada ya kuona walevi wamesahau kabisa kadhia ya katiba mpya ambayo iliuawa na wale waliofanya hivyo, baadhi yao eti wanautaka urahis. Ili watufanye nini kama si kutuua nasi kama walivyoua katiba? Pia katika kesi hii nitahakikisha mahakama inatangaza kuwa kosa la jinai kwa vikongwe vinavyojifanya vingunge wa vyama kupigwa marufuku kutumia ukongwe wake kuwaunga mkono mafisi na mafisadi kama anavyofanya Kevin Kimdunge Mwehu anayejikomba kwa Eddie Luwasha hadi walevi wanapata shaka kama hakuna zaidi nyuma ya pazia. Maana hata bi mkubwa wake Luwasha hawezi kujimenya kama anavyojitiatia huyu kibabu mwenye miaka mia tano.

          Funga kazi kwenye kesi hii ni kufungua kesi ya kuzuia chama chenye wanachama wote wanaotaka kuwa marahis kipigwe marufuku kushiriki siasa. Maana hakina sifa. Kinapaswa kuzuiliwa ili kiende kikatibiwe kichaa kule Milembe badala ya kuendelea kutujazia mbu. Naona yule anatikisa kichwa akishangaa hili linakuwaje kosa la jinai. Kumbe hajui kuwa wahusika mnaowaona wakijinadi wanatumia njuluku za wizi wanazowaibia walevi ukiachia mbali kufanya vurugu na fujo kiasi cha kuondoa amani kayani?

See you!

Chanzo: Nipashe Julai 4, 2015

CCM inapowaandaa watanzania kuwachakachua

 

          Tambo na mipayuko ya Katibu wa Itikadi na Uenezi wa Chama Cha Mapinduzi (CCM) Nape Nnauye kuwa  itashinda hata kama ni kwa bao la mkono, ni tangazo la  hatari lililopaswa kuwachefua na kuwahamasisha watanzania kuingia mitaani. Lakini wapi! Ama kweli aliyeiroga Tanzania alishajifia miaka mingi. Nnauye alikaririwa akiwa Sengerema akisema, “Rangi inayoenda Ikulu ni hii (anaonyesha shati lake la kijani ambayo hutumiwa na chama hicho). Tuna uhakika na ushindi wa Rais. Kwa namna yoyote ile, CCM itarudi Ikulu hata kama ni kwa bao la mkono... bao ni bao tu ili mradi refa hajaona.” Kwanza, sijui alipitiwa au ni tabia ya kuropoka tu bila mdomo kuwasiliana na ubongo.  Pili, je alipitiwa au kuropa kweli au ni ile hali ya kuwaona watanzania kama mabunga unaoweza kuwatukana tusi lolote liwe la maungoni na au juu ya wazazi wao wasikufanye kitu? Tatu, je Nnauye alisema aliyosema kama namna ya kupima maji ili aone watanzania watalichukulia na kuitikia vipi?

          Ingawa ukisema kuwa kiama cha CCM kinakaribia unaonekana kama mnazi na shabiki wa upinzani, kimsingi, CCM imeishiwa kiasi cha kuwapa silaha wapinzani waibomoe kirahisi. Maana sikutegemea kusikia uoza kama huu toka kwa kiongozi wa juu wa chama hasa wakati huu ambapo CCM imeparaganyika kiasi cha kuwa na wasaka urais wanaoibomoa bila huruma wala adabu. Ama kweli la kufa halisikii dawa.

          Je kitendo cha watanzania kukaa kimya si kuhalalisha njama hii ya kuiba kura na kuhakikisha CCM inashinda? Nadhani alichotaka kusema Nnauye ni kwamba kuandaa uchaguzi ni kama kupoteza muda na fedha au kutimiza mradi. Maana CCM lazima ishinde kwa goli la mkono kwa vile refa hataona. Je Nnauye anamaanisha refa atakayesimamia mpambano huu atakuwa kipofu au ameishakatiwa chake kiasi cha kuwaahidi waliomhonga tayari kuwa wafanye watakavyo yeye hataingilia kati?

          Kitu kinachochanganya na kukatisha tamaa ni namna wapinzani wanavyochukulia mambo mazito kirahisi na kimzahamzaha kama alivyokaririwa katibu mkuu wa Chama cha Demokrasia na Maendeleo (CHADEMA) Dk. Wilbrod Slaa aliyekaririwa akisema, “Kwa bahati mbaya kauli za Nape siwezi kuzijibu. Kauli za Nape zichukue kama zilivyo, ingekuwa ni (katibu mkuu wa CCM, Abdulraham) Kinana, ningemjibu lakini ajue kuwa tutakutana Oktoba.” Kwangu mimi hili si jibu mujarabu hasa ikizingatiwa kuwa Slaa anaogopa kupambana na mbwa akingoja amuone aliyemtuma. Sioni kama kuna haja ya wapinzani kuchukua msimamo legelege kama huu hasa ikizingatiwa kuwa Nnauye aliyesema haya yuko kwenye ziara moja na huyo Kinana wanayemtaka.

          Nadhani jambo ambalo walipaswa kufanya wapinzani, ni kuwashitaki CCM kwa wananchi haraka bila kujali uzito wa aliyetoa kauli hii hatari. Nadhani, hata kama maneno yaliyosemwa na Nnauye yangelisemwa na kunguru hata paka wa CCM wapinzani walipaswa kuyapa uzito. Maana, alichofanya Nnauye ni kufikisha ujumbe aliopewa na wakubwa zake ili kupima maji kama tulivyosema hapo juu. Kimsingi, mtoto wa jirani akikutukana huwezi kunyamaza kwa kuogopa kukabiliana na mtoto. Badala yake utafunga safari uende kwa mzazi wake ili uone anajibu nini ili uamue kama udharau mambo ya kitoto au ule meza moja na mzazi mwenzako.

          Wengine waliopaswa kusimama na kutoa melezo ikiwamo kupinga kauli hii chafu ni Tume ya Uchaguzi (NEC). Lakini pamoja na uzito na uzushi wa hoja husika, NEC hawajapoteza muda kujibu wala kujadili. Hii inaweza kutafsiriwa kuwa wote wawili yaani CCM na NEC lao moja. Hivyo, wanauandaa umma kisaikolojia kuupiga bao la mkono si la kisigino kama tulivyozoea. Je namna hii tunalipeleka taifa wapi kama siyo kwenye machafuko kama alivyoonya Naibu mkurugenzi wa habari wa CUF, Abdul Kambaya ambaye alikaririwa akisema, “Lakini CCM wajue kuwa kutatokea machafuko makubwa iwapo wamejipanga kuingia Ikulu kwa njia hiyo ya bao la mkono. Kauli ya Nape ni ya kidikteta na inaonyesha dhahiri kuwa wamejikita kwenye utawala wa mabavu.” Kama kuna sehemu ambayo inaweza kukomesha mchezo huu mchafu si nyingine bali upande wa pili wa Muungano yaani Zanzibar ambao siku zote wameonyesha kiwango kikubwa cha kujitambua na kusimamia haki zao. Hivyo, tuombe Mungu haya wanayopanga wayafanye pande zote za Muungano waone cha moto.

          Lugha wanayotumia CUF ni ya kujitambua zaidi kuliko waliyotumia CHADEMA ya waache tutakutana Oktoba. Mtakutana Oktoba ili iweje iwapo kutoshupalia kauli ya Nnauye ni ushahidi tosha kuwa hamkujiandaa kukabiliana na  kadhia hii? Hata hivyo, akina Nnauye na CCM wanapaswa kukumbuka. Kama alivyowaonya mwenyekiti wao rais Jakaya Kikwete, mambo yanaenda yakibadilika. Wanaweza kudhani kuwa watanzania ni kichwa kile kile cha mwendawazimu ambacho wamekuwa wakijifunzia kunyoa kumbe siyo. Kimsingi, kauli za CCM zinaelekeza nchi kwenye machafuko tena ya kupangwa na CCM hiyo hiyo inayojinadi kuwa ni chama cha amani.

          Tumalize kwa kuowanya wapinzani kuamka na kupambana hata kabla ya hiyo Oktoba. Pia tunawaasa watanzania waache kujifanya kama hamnazo kiasi cha kufanyiwa kila upuuzi tena kwa majigambo. Wasimame na kutoa tamko ili kufikisha ujumbe kwa kuingia mitaani japo kwa siku moja. Pia tunawaasa CCM waangalie mchezo wanaopanga kuufanya na madhara yake. Nani alitegemea kuwa Burkina Faso wangemtimua rais king’ang’anizi, wa muda mrefu na aliyeogopewa sana? Nani alijua kuwa miamba ya udikteta kama Muamar Gaddafi wa Libya angekufa kwa kipigo kama kibaka huku akilia kama kichanga? Tieni akilini na chonde chonde, tamaa zenu za madaraka zisituletee machafuko.

Chanzo: Dira Julai 2, 2015.

The best story I read this year: True Love

I read and write a lot of things. This year, I read one story that made me cry with joys and sorrow. I don't want to talk more. Follow this link http://www.nation.co.ke/lifestyle/Living/There-is-no-greater-love-than-this/-/1218/2769760/-/913roz/-/index.html

Kijiwe chakutana Simiyu

          Baada ya dada yao Mijjinga na Mipawa aitwaye Rhoda Bujiku kudhalilisha na kuteswa na nesi, walitutonya kama wenzao wanaoheshimika na kuogopwa kayani. Walitutaka tutie timu kule liliko tokea tukio ili kuwalazimisha watawala wetu washenzi kuchukua hatua. Hivyo, minutes za kikao hiki cha Kijiwe zinatokea Mjini Maswa mitaa ya Nyalikungu ambako tulipiga kambi kwa wiki kulaani unyanyasaji huu wa kishetani.

          Mijjinga anaanzisha mada, “Jamani mmesikia aibu ya dada yangu kunyanyaswa, kuteswa na kuaibishwa huko kwetu Usukusini?”

          Mipawa anachomekea, “Kaka umenigusaga pabaya ngwana wetu. Sikujua kuwa bado kuna watu wenye roho za kinyama na washenzi kiasi hiki?”

          “Yakhe mbona mie mwaniacha Solemba? Kwani hili mnoongelea wala sijawapata vilivo wallahi.” Mpemba analalamika.

          Mbwamwitu anadakia, “Ulitaka uwapate vilivo wapi na kwanini mbona Mpemba wataka kulete mambo ya Mpopobawa?”

          “Yakhe una haki ya kuachwa Solemba na usipate pa kutupata japo ukitupata nasi tutakupata au vipi. Anyways, nadhani tumefanya kosa kidogo. Tumeanzisha mada bila kufanya introduction.” Mijjinga anampasia gazeti la Danganyika Kwishnei Leo. Anaendelea, “Hebu soma kichwa cha habari utapata dozi yako.”

          Kabla ya kuanza kusoma gazeti Mpemba anajitetea, “Yakhe acha matusi. Kama wataka dozi weye si useme badala ya kuwasingizia wenzio. Kama wataka sema yakhe.”

          Mipawa anaingilia kati, “Acha niwachomekee kwa mpigo. Kinachogomba hapa si dozi wala nini bali kupataga habari kamili. Si usomage kazeti na kujua anachomaanisha nkwingwa.”

          Mpemba anajibu, “Yakhe nakuheshimu sana. Hivo ngoja nsoma lau nijue anichomaanisha huyu msukuma mwenzio.”

          Mgosi Machungi anaamua kutia timu, “Ami huna haja ya kusoma. Niishasoma hii habai iiyotokea kule Simiyu Maswa ya mjamzito kunyima huduma eti kwa sababu anazaa kia mwaka.”

          “Alaa kumbe. Kama habari ndo hii sina haja ya kusoma gazeti. Kwani bi Nkubwa alinieleza upuuzi na unyama huu wallahi hadi nikashindwa hata elewa inakuwaje kwenye kaya kama yetu haya mambo yanatokea.” Mpemba anajibu.

          Msomi anaamua kukatua mic, “Mnashangaa la mjamzito kunyanyaswa kudhalilisha na kuteswa! Kama umma wote unafanyiwa hivyo, itakuwaje kwa kiumbe mdogo tena wa mashambani kama huyu? Kilichofanyika si kipya. Upya wake ni kwamba vyombo vya umbea vimelipata an kulirusha hewani. Wako wajawazito wengi wanaotendewa mabaya hata zaidi ya haya.”

          Kabla ya kuendelea, Mzee Maneno anamchomekea na kusema, “Si wajawazito wote wanatenzwa hivyo Msomi. Wale wa kisiasa tunaowana na matumbo yao wasiyotwambia ni lini watajifungua wanatendewa vizuri.”

          Msomi anarejea, “Unaongelea wale wazembe wenye viribatumbo vya chumo la ufisadi. Hao achana nao. Tunaongelea wajawazito wa kweli ambao inaonekana sasa hawatakiwi hasa ikizingatiwa kuwa wachovu wanaongezeka kwa kasi ya ajabu.”

          Kabla ya kuendelea, Kanji anatia timu, “Lazima mama zae toto nyingi. Sisi Bombei iko zaa hadi mia.”

          Mchunguliaji anaingilia kati, “Kumbe nave Kanji iko pata mimba na kuzaa toto kama mama! Kanji iko kumbuka kuwa hata hindi hapa nazaa sana ili pate piga kura na kuwa bunge baadaye?”

          “Wallahi hakuna kitu kimeniuma kama kumnyima huduma mjamzito eti kwa vile anazaa kila mwaka. Kwa vile tupo hapa Simiyu, lazima tumtafute huyu nesi tumshughulikie lau aone kuwa kuzaa ni neema. Mie najitolea kumkamata na kumpa mimba ili aone uchungu wa mimba kama hajawahi kujaliwa kuzaa mnasemaje?” Kapenda anaongea kwa uchungu.

          Msomi anakwanyua mic, “Shehe Kapende unakokwenda ni mbali. Tujiepushe kulipiza visasi kwani hakujengi. Huna haya ya kumkamia huyo mpuuzi. Yaani kweli hasira hasara. Yaani unataka umbaki mwenzio bila kujali kama ana miwaya au ni mali ya mwenyewe! Tupunguze hasira ili tuweze kuwasaidia wajawazito na wahanga wengine wa utwahuti na ushenzi huu. Hasira hasara ndugu yangu.” Anakohoa kidogo na kuendelea, “Kaka huna haja ya kupambana na mbwa wakati mwenye mbwa yupo. Hapa nadhani tatizo ni lisirikali wala siyo huyu nesi ingawa naye ni sehemu ya tatizo ambalo ni kubwa kuliko hili tunaloona hapa.”

          “Wakati mwingine tuwe makini tunapolaumu. Sasa hapa lisirikali linaingiaje wakati aliyetenda upuuzi huu ni mpuuzi mmoja?”

          “Nashukuru kwanza umeuona upuuzi ingawa sikubaliani na utetezi wako wa lisirikali. Hujui kuwa kama sheria zingetumika kuwabana wapuuzi kama hawa wachovu wasio na hatia kama dada yetu huyu wasingeumizwa bure?”

          “Yakhe nakubaliana nawe. Twapaswa kuwajibisha lisirikali kwani ndilo liniowapa hawa wapuuzi jeuri ya kufanya upuuzi wao.” Mpemba analalamika.

          Mijjinga anaamua kumchomekea, “Nasikia huyu muuaji aliposikia tunatia ametimkia kusikojulikana kwa kuhofia tusimfanyie kitu mbaya. Nasikia wachovu wenye hasira walitishia kumchoma moto yeye na nyumba yake. Kwanza, nashangaa huyu muishiwa wa eneo hili ni nani mbona hasikiki akikemea lau upuuzi huu? Sijui kama huyu angekuwa mkewe angeweza kukaa kimya huku akikimbiza per diem mjengoni ambako nako hana analofanya?”

          Mipawa anadakia, “Unaualizia muishiwa wa jimbo hili wakati yuko kwenye madili mjengoni? Huyu jamaa ni wa hovyo kuliko yeyote aliyewahi kuwakilisha eneo hili. Hata hivyo, simlaumu. Kwani, anawakilisha tumbo lake mjengoni huku akipiga domo juu ya upuuzi na kuacha mambo ya maana kama haya.”

          Kijiwe kikiwa kinanoga si akapita mkubwa wa Wilaya. Acha tumtoe mkuku kabla hajaokolewa na wachovu tuisimfanyie kitu mbaya!

Chanzo: Tanzania Daima Julai 1, 2015