Eti Dom ni the big city of Bongo? Wow!

            Baada ya kufichuliwa madudu kwenye vitabu vya kiada kayani, walevi wengi walipigwa na butwaa kiasi cha kuamua kuhoji hata kama ni kilevi. Wengi walisikika wakitukana matusi ya nguoni ambayo pamoja na ulevi wangu siwezi kuyarudia.

            Kisa chenyewe kilianza pale ilipogundulika kuwa moja ya vitabu hivi hatarishi kimeandika eti Dodoma is the big city of Bongo; kikimaanisha mji mkuu. Huu ni ushahidi kuwa waliotunga hivyo vitabu ni vilaza, vibashite na vihiyo waliopaswa kuwa wanauza nyanya badala ya kupunyua mabilioni ya walevi ili kuwajaza sumu na ujinga vitegemezi vyetu. Na hapa lazima kuwa na mkono wa mtu mkubwa tena fisadi wa kunuka. Maana, bila hivyo, haiwezekani upuuzi kama huu ukafanyika tena kwenye sehemu nyeti ya ilm. Hapa lazima kuwa na majipu tena makubwa na yanayonuka yaliyoiva yakingoja kuguswa ili yatumbuke. Mnawanyima kazi watunzi wenye uwezo kwa kuendekeza njaa wakati hata sifa ya kuandika vitabu vilivyokwenda skuli hamna? Shame on you and kumbaff sana manyang’au nyie wana hizaya wajalaana na walaaniwa wakubwa. Hamna aibu wala maana. Heri yetu walevi kuliko nyinyi mnaojitiatia wasomi wakati ni vibashite vitupu.

            Baada ya kuinyaka Mlevi mmoja msomi akatoa mpya kuwa tujiandae kusikia vituko vingine. Hivyo usishangae kusikia mkiti wa CCM akiandikwa kwa kitasha kama the owner of the chair of CCM or the party of coup d’etat is John Alcohol Magufuli and the first wife is Mama Janet Magufuli.  Pia usishangae kusoma kuwa dini kubwa nchini ni Jesusism and Islamism. Sitashangaa kusikia watoto wakifundishwa kuwa the biggest mountain of Africa is Kilimanjaro na the largest Lake is Nyanza au the big sheik of Tanzania is so and so.

            Kesho utasoma the big minister of Tanzania is Katelephone Endowment Katelephone kama siyo big judge is professor Juma na mengine mengi. Hivi hawa walioandika utumbo huu walisomea wapi na lini? Je nani huyu mwenzao au wenzao waliowapa hii tenda ya mamilioni kujaza sumu na urongo kwenye vichwa vya vitegemezi vyetu? Je wanene wetu walikuwa wapi; au ni kwa vile wanapeleka vyao ughaibuni kupata elimu mufti huku vitegemezi vya walevi vikijazwa ujinga wa kudumu na kununua kwa kodi zao zinazotumika kuwalipa vilaza walioandika vitabu husika?

            Heri wangesema the biggest city of Bongo is Dar Si Salama but not Dom. Kwa sababu hata kama tutachukua mantiki ya lugha iliyotumika, bado Dodoma si kubwa kuliko Mwanza wala Arusha. Sitashangaa kusikia wakisema enchilada ni sambusa badala ya samosa kwa kitasha sahihi na mufti. Sishangai kusikia kuwa vitabu vingi ni mabomu. Kumbe ndiyo maana vyangu wetu wanaojifanya wapiga buku pale Chuo kikubwa cha Manzese wanabukanya! Utamsikia akisema “my milk are still standing and I’m a handsome lady that’s looking for a beautiful man to marriage me.” Juzi nilimsikia dingi mmmoja tena dingi kwelikweli akisema the deal had a lot of controversials badala ya controversies. Kama haitoshi aliongeza tell your children to come Bongo badala ya to come to Bongo! Jamani, kuna haja ya kujifunza lugha za watu kwa ufasaha japo kidogo kuliko kutuletea aibu na broken na mibomu yenu. Kumbe kuna akina Bashite kila sehemu hata kwenye elimu yenyewe! Hawa waliondika upuuzi huu wapelekwe kwa pilato na kufungwa maisha huku wakiamriwa warejeshe njuluku ya walevi na wawaombe msamaha kwa kuwajaza sumu vichwani vitegemezi vyao.

Hawa wafichuliwe hadharani na kuchukuliwa hatua. Maana ukiona hivyo wameishapunyua njuluku za umma.

            Ukikutana nao mitaani wanavyojidai wamepiga buku kumbe bashit mtupu.  Kama nilivyosema, hawa wafikishwe kwa pilato lau wakanonihino kwenye mtondoo au debe kule lupango.

Kwanini mnawalisha vitegemezi vyetu ujinga wakati wenu mkipeleka majuu ili visome vilivyo na kuja kuwala na kuwatawala vitegemezi vyetu? Kwani hatuwajui vitegemezi vya vigogo ambavyo sasa vimerithi ulaji wa wazazi wake kwenye ofisi za umma huku vikila kuku kwa umma watokanao na mali ya umma isiyouma? Kawaulize akina Jan Makambale, Hussy Muinyi, Emmy Nchimvi, Riz Kitwitwi, Sal Kitwitwi na wengine wengi wanaoendelea kutanua tokana na kuwa na majina makubwa.

            Kwa tamaa na upogo na ulafi wenu, mmeua watunzi na wachapishaji mahiri wa vitabu kwa kutaka kujipa tenda wakati hamnazo wala uwezo wa kutoa vitu vilivyokwenda shule? Hapa Dokta Kanywaji asipomtumbua mtu najinyotoa roho au kuhama kaya. Je mazabe haya yalianza lini na yameishaiingizia kaya hasara kiasi gani? ukisikia collective imbecilization si nyingine bali hii. Nina hasira sitatafsiri neno hilo lenye kufurahisha. Kwanini,kama kaya hamuoni hata aibu? Mnadhani mtaishi milele wakati mu makaburi yanayotembea? Shame on you! Mnatuimbia wimbo wa kuingia karne ya 21 ya sayansi na teknolojia wakati mnaendelea kufanya mambo ambayo hata Adam na Eva wasingefanya kwa kuogopa kuchekwa. Senzi kabisa na mkome na mkomae na broken zenu zitokanazo na kukwepa kupiga buku huku mkitumia masaburi na utumbo kufikiri badala ya vichwa.

Chanzo: Nipashe Jumamosi leo.