Kumbe CCM ni chama kabaila na kifisadi!

• 

Wale waliosoma enzi za ujamaa watakuwa wanakumbuka dhana nzima ya ukabaila ambao ni utajiri unaotaokana na utumiaji ardhi kwa kukodisha kwa wasio nayo. Baada ya Chama Cha Mapinduzi (CCM) kushika hatamu zama zile kwa ajili ya kulinda maslahi ya wananchi, iliishia kupoteza sifa hii pale ilipojiingiza kweye unyakuzi wa ardhi. Tulizoea kusikia unyakuzi wa ardhi nchi jirani tusijue tutatawaliwa na chama nyakuzi chenye kuwa kabaila huku kikiendeshwa na mabwanyenye na mabepari. Kamusi ya Kiswahili Sanifu ya TUKI uk.297, inauelezea ukabaila kama: tabia au hali ya kumfanya mtu amtumikie huku mwingine akistarehe.Tabia ya kumilki majumba na ardhi kupangisha ili kuwanyonya wengine.

Kwa tafsiri ya kamusi ya TUKI, CCM ina sifa zote za kuitwa chama kabaila au cha kikabaila. Haya si madai yetu bali ukweli uliotoka kwenye vinywa vya kiongozi wake.

Akifungua ukumbi wa mikutano Dodoma hapo tarehe 9 Julai alisema kuwa CCM ina viwanja vingi nchini. Mfano, Dar pekee wana viwanja zaidi ya 400. Je huko kwenye majiji mengine kama vile Arusha, Mwanza, Mbeya, Tanga na kwingineko wana viwanja kiasi gani? Je wanavimilki kihalali hasa ikizingatiwa kuwa viwanja vile vilipatikana wakati wa chama kimoja ambapo serikali na chamavilikuwa kitu kimoja? Je kuna mantiki yoyote ya CCM kuendelea kushikilia, kukalia na kupata kipato toka kwenye ardhi ya umma? Je huu si unyakuzi (land grabbing) tuliozoea kuusikia kwenye nchi jirani? Je chama kinachonyakuwa ardhi ya umma kina tofauti gani na viongozi wanaofanya hivyo?

 Kikwete alikuwa akiwahimiza wenzake kuwa waache kuombaomba na badala yake waendeleze vile viwanja kwa manufaa si ya nchi bali chama.

Alilaumu tabia ya kutegemea wafadhili na kutaka CCM waendeleze vile viwanja. Je wataviendelezaje wakati si vyao?  Kikwete alishangaa ni kwanini chama chenye viwanja vingi namna hivi kutegemea wafadhili. Wengi waliona kama anajisuta bila kujua. Kama anashangaa chama chenye utitiri wa viwanja kutegemea wafadhili basi alipaswa kushangaa nchi yenye raslima lukuki kutegemea kuombaomba na kukopakopa. Alichofanya Kikwete kinakubaliana na msemo wa wahenga kuwa nyani haoni kundule.

Kitu kingine cha kushangaza na kusikitisha ni ile hali ya Kikwete akukiri kutojua hata hiyo pesa inayotokana na viwanja chini ya miradi haramu ya kulaza magari anayeipokea na anachoifanyia. Wengi walitegemea rais lau atumia muda ule kama rais na si kama mwenyekiti wa chama kukikumbusha chama chake kurejesha ardhi ya umma. Maana kwa CCM kuendelea kumilki ardhi ya umma kunatoa picha mbaya kuwa chama nyakuzi wa ardhi hakiwezi kupambana na wanyakuzi wa ardhi wakati mchezo wao ni mmoja.

Wengi wanaweza kuona kama tunaiandama CCM bure. Nchini Kenya, chama tawala cha zamani cha KANU kilipotupwa nje, majengo na vitegauchumi kilichokuwa kikimilki wakati wa serikali ya chama kimoja vilirejeshwa serikalini mojawapo ya mradi mkubwa ukiwa Nyayo House yenye ghorafa 27.

Kikwete aliongeza kusema badala ya CCM kuendeleza viwanja viongozi wamekuwa wakivipora na kujijengea majumba yao. Ajabu pamoja na kukiri hivyo, alisita kusema ni hatua gani zichukuliwe kupambana na wezi hao.

Hivyo, tokana na rais ambaye ni mwenyekiti wa chama kushindwa kukiambia chama chake kirejeshe mali za umma serikalini, unapaswa kuanzishwa mchakato wa kuifikisha CCM mahakamani ili iamriwe kurejesha viwanja vyote vya umma. Pia iamriwe kulipa fidia kwa muda ambao imevitumia kwa faida binafsi huku viongozi wake wakizidi kujineemesha kwa jinai hii. Kuna haja ya wapinzani na wanaharakati wa masuala ya ardhi na haki za binadamu kuingia kazini kuhakikisha CCM inarejesha mali za umma haraka sana iwezekanavyo.

Kwa namna ambavyo CCM imekuwa ikiendesha viwanja vya umma kwa faida binafisi, si tusi wala uzushi kusema kuwa CCM ni chama cha kikabaila ambacho hakina uchungu na wananchi kiasi cha kunyakua viwanja vyao na kutumiwa na viongozi waroho na wasioona mbali wala kujali maslahi ya wananchi.

Wakati Kikwete akifichua –sijui kwa bahati mbaya au maksudi –uoza huu wa CCM, katibu mkuu wa chama Abdulrahaman Kinana ambaye mara nyingi amejitia kuwa na huruma na watanzania, alikuwa akichekelea. Wengi tulitegemea –kama mapenzi ya Kinana kwa umma yangekuwa ya kweli –lau kumsikia akitangaza mkakati wa kurejesha viwanja vya umma serikalini. Badala yake alionekana akitikisa kichwa kukubaliana na pendekezo la Kikwete kuwa aunde tume ya kukagua mali za CCM kukiwemo viwanja ambavyo ni mali ya umma. Nadhani kwa kuangalia ukweli huu, tunagundua ni kwanini majengo yaliyojengwa kwenye viwanja vilivyakuliwa au kutoruhusiwa kama lile la Getrude Rwakatare au la uhindini hayaangushwi kwa vile lao wote ni moja.

Tumalizie kwa kuwataka watanzania wailazimishe CCM:

a) Kurejesha viwanja vya umma

b) Kutangaza wazi kuwa sera yake sasa ni ukabaila hasa unaotokana na unyakuzi wa ardhi na utumiaji ardhi nyakuliwa kulaza magari na kupata viwanja vya viongozi wake kujenga majumba binafsi. Huu ni ufisadi wa kiwango cha juu sana kiasi cha kukifanya CCM kuwa chama cha kifisadi.

Chanzo: Tanzania Daima Julai 26, 2015.

Mlevi achonga na Joni Kanywaji Makufuli

Mpendwa Mheshimiwa Dk Joni Kanywaji Makufuli

Kwa mara ya kwanza anawasiliana naw kwa niaba ya walevi na wachovu wote kayani. Kwanza, nakupongeza kwa kutokatwa jina na kupitishwa kumrithi bwana mkubwa, rafiki yangu Njaa Kaya. Hongera sana mheshimiwa sana na aliyepakwa mafuta na wateule wakuu ili ufanye mambo makuu ila si makufuru.

Sitaki nizungushe japo nipeishaupiga mma na tubangi kidogo. Nachukua fursa hii–kama mzee na msomi mtukuka wa walevi–kukupa wosia kama utafanikiwa kuula.

Kitu ya kwanza nataka ushughulikie vibaka na majambazi ya EPA, Escrow na Richmonduli hata kabla hujakaa kwenye kiti. Maana kitu waliyotufanyia ni mbaya sana kustahiki nao kufanyiwa kitu mbaya zaidi. Walevi wanataka kuona mijambazi kama Jimmy Rugemalayer na Singasinga wakipigwa mawe hadi kufa au kuchomwa moto kama siyo kupelekwa kwa ISIS iwachinje kigaidi ili wanaodhani kaya yetu ni shamba la bibi wakome na kukomaa. Inapendeza? Au siyo?

Pili, walevi wamenituma wakikutaka –si kukuomba –usiteue vihiyo, mafisadi, vibaka na mipaka kwenye baraza lako la mawaziri. Vihiyo –hasa wale walioghushi, japo walikingiwa kifua–wanajulikana. Hata wale waliopewa ubalozi, ukuu wa wilaya na mkoa, ujaji na makandokando mengine watimliwe haraka ili kujenga heshima kwa lisirikali lako tukutu chini ya Chama cha Mizengwe (CcM).

Tatu, walevi wanakutaka ufumue mikataba yote ya uchukuaji unaoitwa uwekezaji. Waliokutangulia walituingiza mkenge na kutufanyia usanii. Si waliahidi wangefumua na kusuka upya mikataba hii wakaishia kuingia mingine ya kishenzi na kijambazi ikiwamo Richmonduli. Hatutaki urudie makosa haya ya kichovu na kipumbavu.

Nne, usiwasahau walevi. Maana bila kukupata wewe huwa hawalali. Sisi ni watu wako –yaani watu wa kanywaji kama jina lako. Hivyo, lazima tukukumbukane hasa ikizingitiwa kuwa kama utawaahidi kanywaji na bangi zaidi watakupa kura za kula kama hawana akili nzuri. Hivyo tukiwa na rahis kanywaji na kanywaji na tubangi kama kawaida nadhani furaha itarejea

Tano, ukiachia mbali kuwakumbuka walevi, hakikisha kwenye ulaji wako hakuna kujuana wala kufadhiliana. Ulipita bila mfadhili. Hivyo, uhitaji kulipa fadhili wala kupendelea.

Sita, tunataka kukuletea ufagio wa chelewa ili uifagie na kuisafisha kaya inayonuka vibaya sana. Tutataka uanzie ikulu ukiwatimua wale wote walioajiriwa kulipwa fadhila kama wale makanjanja wanaojifanya vipaza sauti vya ikulu waliowachafua wenzao kwenye mchakato wa 2005. Siku nyingine tutakupa majina yao. Hata hivyo, unawajua vizuri akina Rweyependekezamo. Hata wale waliopewa ukuu wa wilaya timua kama huna akili nzuri. Mchonga alionya kuwa ikulu hakuna biashara na ni patakatifu pa patakatifu. Kwa vile paligeuzwa patakakitu pa patakitu au pachafu pa pachafu, tunakutaka usafishe kila kitu pale.

Saba, epuka uzururaji wa kupenda kwenda kutanua Ulaya na Amerika. Walevi wanasema kuwa wanachukia jina la Vasco da Gama sana. Hivyo, wanategemea utakaa ofisini na kutatua matatizo yao badala ya kuzurura kwa kisingizo cha kuombaomba. Usikubali kuwa Vasco da Gama Matonya.

Nane, walevi wamenituma nikupe laivu kuwa usimruhusu Bi mkubwa wako aanzishe kampuni almaaruf NGO. Kwa walevi hizi NGO ni vichaka vya wizi wa fedha za umma na matumizi mabaya ya ikulu. Hivyo, ogopa NGO kama ukoma au ukimwi. Kwani mwisho wa siku hukuacha mchafu, asiyeheshimika wala kuaminika. Guess what. Mzee Mchonga wa Musa hakumruhusu Maria wake kuwa na kampuni hii aina ya NGO na bado bi mkubwa huyu anaheshimika kuliko wote waliomfuatia.  Walevi wanataka bi mkubwa wake awe wa pili baada ya Maria Mchonga. Nadhani unajua ninachomaanisha. Pia usiruhusu mashoga zake wapewe vyeo tena wasivyoweza.

Tisa, usiruhusu kitegemezi chako au ndugu yako kuchukua nafasi yako Chato. Cheo si urithi binafsi. Maana, tulizoea kuona uongozi ukigeuzwa private estate. Hii–kwa mtu aliyepiga shule kama wewe –inaweza kukuonyesha ima kama mtu aliyeghushi au ambaye alisoma lakini hakuelimika.  Nakuaminia bro. tunataka ujenga kaya kama barabara.

Sipigi chuku wala kujigonga ili unikumbuke japo si vibaya ukinikumbuka. Kuna mlevi mmoja aliyekuzimia hadi akasema sasa anaona Mchonga na Muringe wakifufuka kupitia kwao kama hutatupiga chini au kutuangusha.

Kumi, walevi wanasema usianze kupiga kampeni kabla ya kipenga kupulizwa. Hata huu upuuzi wa kujitambulisha achana nao. Nani asiyekujua hapa kayani bro? Hivyo, epuka njama za wabaya wako kukuchafua kwa kukushauri upuuzi. Pia usikubali kutumia raslimali za umma kufanyia kampeni. Walevi wanasema kuwa kama hutakuwa na means ongea nao wakupe tafu kuliko kuaibishwa na matumizi mabaya ya raslimali za umma. Pia wanakuonya kuwachunga sana magabacholi wanaopenda kujifanya wanakupenda ili wakutumie na kukuchafulia sifa yako nzuri. Si wema hao. Sana sana uwabane walipe kodi na kuzuia kuchukua nafasi za wamachinga wetu.

Kumi na moja, walevi wanasema wazi kuwa lazima uanzishe upya mchakato wa katiba ili wapate katiba isiyo ya kifisadi na kijambazi. Wanaamini kuwa nawe hukupendezwa na uhuni uliofanywa hadi katiba ya walevi ikauawa huku njuluku zao zikiliwa na muda wao kupotezwa. Tena kabla sijasahau, wale wahuni waliopewa ukuu wa wilaya kwa kumnyanyasa mzee Sinde ambaye ameonyesha kukubali sana lazima uwapige chini. Lazima ofisi zetu za wilaya na mikoa ziheshimike badala ya kuwa chaka la kujaza wahuni na wababaishaji kwa vile wanajuana au kula na wakubwa. Najua sasa wengine matumbo joto kweli kweli hasa wakijua kuwa wewe si mhuni wala mbabaishaji.

Mwisho, soma sana sera za mzee Mchonga unaweza kumaliza muda wako ukiwa baba wa pili wa kaya baada ya wenzio watatu kutoka kapa tokana na upogo, tamaa na uvivu wa kufikiri.

Kwa vile nasikia kanywaji na tubangi vinazidi kupanda upstairs, acha niachie hapa nikingoja kupokea email yako ya majibu ili niwarejeshee walevi waheshimiwa walionituma kwako.

Ubarikiwe sana bro.

Kanywaji hoyeee! Makufuli hoyeee!

Nahene ngosha.

Chanzo: Nipashe Julai 25, 2015.

Raisa wa Tanzania anapotembelea Malaysia

Utawala wa rais Jakaya Kikwete utaingia kwenye vitabu vya historia kama utawala wa hovyo uliowahi kuwapo nchini. Kwa kisingizio cha kuaga ughaibuni Kikwete amekuwa akipoteza mamilioni ya shilingi eti kwenda kuaga nje utadhani ndiyo waliomchagua. Anaondoka kesho kuelekea Australia kuaga baada ya kurejea juzi toka Uswizi alikokwenda kuaga. Kama haitoshi na mkewe yupo Malaysia sijui naye anakwenda kuaga au ndiyo hiyo tabia ya kuzurura waliyojizoesha.

Ngoja watoke madarakani tuone kama watazurura kama walivyozoea. Kuna haja ya kubadili katiba kuzuia upuuzi huu wa kuzurura na kuacha kazi zikilala nyumbani. Kwa miaka kumi Kikwete ametuibia tu ukiachia mbali kulea na kushiriki ufisadi.

UKAWA hawana sababu kumuogopa Magufuli

       Hakuna ubishi kuwa mgombea mteule wa urais wa Chama Cha Mapinduzi (CCM) Dk. John Pombe Magufuli ana ushawishi mkubwa nchini. Hata hivyo, hii si sababu ya wapinzani chini ya Umoja wa Katiba ya Wananchi (UKAWA) kumgwaya.

Baada ya kuteuliwa Magufuli, wengi walisikika wakisema sasa kiatu kimepata mvaaji. Ni kweli, lakini hata UKAWA wanao wavaaji wa kiatu sawa na Magufuli. Katika kuthibitisha hilo Dk Makaidi ambaye pia ni Mwenyekiti wa NLD kinachounda UKAWA alikaririwa akisema, “Hatustushwi na (Dk John) Magufuli kwa lolote na mashambulizi yetu yatakuwa makubwa. Lengo letu la kuiondoa CCM madarakani liko palepale.” Maneno ya Makaidi yana ukweli. Wale wanaodhani wapinzani wanamgwaya Magufuli wanataka apitishwe bila kushiriki uchaguzi?

Nadhani Makaidi ana sababu nzuri tu za kusema hawatishwi na Maguguli. Anasema, “Ajenda na hoja tulizonazo ndizo zitakazotubeba mbele ya wananchi… tutawapelekea ili waamue wakiwa na taarifa sahihi. Kama ni kutowajibika au ufisadi ndani ya CCM, suala hilo linaanzia ngazi ya juu mpaka kwa mwanachama wa kawaida.” UKAWA bado wana imani kuwa wananchi watawaelewa hasa pale watakapowakumbusha utendaji mbovu wa CCM.

Pia ni vizuri tukaamini kuwa kwenye siasa lolote linaweza kutokea. Nani aliamini kuwa rais Uhuru Kenyatta wa Kenya angemshinda waziri mkuu wa zamani Laila Odinga ambaye hata rais wa zamani Mwai Kibaki alimgwaya kama umeme? Japo siasa za Tanzania na za Kenya ni tofauti, bado ni mapema kwa yeyote kusema atashinda. Hatujui wananchi hasa wapiga kura wanafikiri nini na wataamua vipi. Hivyo, ushauri wa maana hapa ni kwa wagombea wote kutobweteka na umaarufu walio nao bali kwenda kwa wananchi na kueleza sera zao ili wapate nafasi nzuri ya kuamua.

Japo Magufuli anajulikana kwa utendaji wake, vile vile chama chake kinajulikana kwa utendaji mbovu. Hii dichotomy, au ndiyo siyo ni vizuri ikazingatiwa katika kuelekea uchaguzi ujao. Sidhani kama wananchi ambao bado hawana barabara maji wala umeme wana wanachoona ni bora kwa Magufuli. Sidhani kama wananchi ambao ardhi yao imetwaliwa ima na wawekezaji au viongozi wa CCM wanacho cha mno wanachokiona CCM. Sidhani wajawazito wanaotimliwa na manesi kiasi cha kuzalia vyooni wanacho cha mno katika CCM.

Kimsingi, hali ya CCM bado ni ngumu sema unafuu ilio nao ni kuwa na mgombea ambaye hana tuhuma za ufisadi ua uzembe. Kwa umaarufu, uchapakazi na uzalendo alio nao Magufuli anaweza kushinda.  Lakini CCM itegemee kuwa na hali ngumu kwenye ubunge. Maana wabunge wengi wanaomaliza muda walichakachua kiasi cha wengine kuchukiwa vibaya sana kwenye majimbo yao. Sijui wabunge kama hawa watarudi. Sidhani –kwenye uchaguzi ujao –kama wananchi wataruhusu uchakachuaji kama ule tulioushuhudia mwaka 2010. Nadhani wananchi sasa wamechoka na wako tayari kusimamia haki zao kuliko wakati wowote katika historia ya taifa letu. Hivyo, CCM wanapaswa kulizingatia hili huku na wapinzani wakizidi kuhanikiza kufichua maovu ya CCM kama taasisi badala ya kuhangaika na mtu mmoja.

Nadhani Makaidi anaposema tutabebwa na hoja anatoa onyo kwa CCM kuwa wasibwete na Magufuli. Wanajua fika kuwa mtu hawezi kuzidi chama. Wana mifano hai ya watu waliongia wakiitwa Mr Clean wakaondoka wanaitwa Mr Dirt.

Kitu kingine wanachopaswa kuzingatia wananchi si ukubwa jina la mtu wala umaarufu wake bali sera anazokwenda nazo kwao na utekelezaji wake.

CCM pamoja na Magufuli wanapaswa kujifunza toka kwenye mchakato wao ulioisha na kumuibua Magufuli. Nani alijua kuwa Magufuli angewapiku vigogo waliokuwa wanajiamini kuwa ndiyo watakao kuwa wao kwenye kupeperusha bendera ya CCM? Nani alitarajia vigogo kama Edward Lowassa, Bernard Membe na Mark Mwandosya kuangukia pua na kushindwa na rookie kama Magufuli? Huo ndiyo uchaguzi. Si vyema kuwasemea wapiga kura au kujaribu kutabiri watafanya nini. Kinachopaswa kufanya kwa pande zote ni kuheshimu kanuni na kupeleka sera kwa wanachi huku wale walioko madarakani wakitakiwa kutoa maelezo yanayoingia kichwani pale walipoboronga.

Kama watanzania watajifunza tokana na makosa yao, tunaweza hata kutegemea maajabu. Jakaya Kikwete aliingia na sifa nyingi za kweli na za uongo. Je anaondoka na hizo sifa tena? Unategemea nini kama wapinzani watatumia udhaifu wa Kikwete wakiupambanisha na ahadi na sifa alizoingia nazo kumbomoa Magufuli? Kwangu mimi ngoma hii bado ni mbichi na lolote linaweza kutokea kufikia Oktoba.

Mfano mzuri ni ile hali ya Magufuli kuanza kuona hatari inayokabili chama chake hasa kuhusiana na ufisadi. Ameanza kuto ahadi za kutomugopa yeyote wala kumuonea. Je hii inatosha? Atakapokwenda kwa wananchi watamuuliza nini atakachofanya kuhusiana na mazimwi kama EPA, Richmond na Escrow. Majibu atakayotoa na usayansi wake vinaweza kuwa vigezo amuzi kuliko mtaji alio nao wa kuwa mchapakazi bora na kusifika kusimamia ujenzi wa barabara. Je hizo barabara zinakidhi viwango au kulingana na kiasi cha fedha kilichotumika kuzijenga? Maswali mbona yapo mengi kuanzia ya barabara hadi nyumba za umma zilizouzwa chini ya usimamizi wake.

Tumalizie kwa kuzishauri pande zote kujikita kwenye masuala badala ya personalities.

Chanzo: Dira Julai 23, 2015.

Rais ajaye ahakikishe mkewe hatuibii kwa NGO

Msikilize kihiyo wenu anavyobukanya kimombo na kupaniki.

Kijiwe chalaani wanaoanza kampeni mapema

          Baada ya Chama Cha Maulaji (CCM) kupitisha mtu wao wa kugombea urahis, Dk Kanywaji Makufuli, wabongo wamechachawa kiasi cha kuanza kumshabikia na kumuona kama ndiye rahis ajaye wasijue hiyo siyo inshu. Kijiwe pamoja na kumpitisha mzee mwenye Mpayukaji Msemahovyo kugombea urahis, kinawataka wachovu wamchague yeye kwa vile amejipambanua na mafisadi majambazi, wauza mihadarati wazembe na wasanii.

Mgosi Machungi anaoneyesha shaka yake, “Hebu tisaidiane. Juzi tiiona wagombea wa CCM wakitanua kia mahai wakipiga kampeni wakidai wanajitambuisha. Je hayo magari na madege wanayotumia siyo ya umma kwei? Wanatumia njuluku za wachovu kumnadi bwana Kanywaji Makufuli huku mzee akitumia ya kahawa.” Anageuka na kunitazama na kutabasamu.

Mpemba anaamua kula mic, “Yakhe huyo Kanywaji Makufuli ni ni wale wale ati. Kambale wote wana sharubu na huu nchezo wa kutumia raslimali zetu kunadi walaji wao twapaswa kuupinga kwa nguvu zetu zote wallahi.”

Sofia Lion aka Kanungaembe leo anaingia mapema. Anakula mic na kusema, “Hivi mnaodai zinatumika njuluku za umma mna ushahidi gani au ni yale yale ya kumsingizia mheshimiwa Luwasha kuwa ni fisadi msilete ushahidi mlipotakiwa kufanya hivyo?”

Mijjinga anajibu, “Da Sofi una matatizo gani ndugu yangu? Hivi juzi hujasoma gazeti la Mchovu lilioandika jinsi Njaa Kaya alivyomkaanga rafiki yake kwa kusema wazi kuwa utajiri aliotuhumiwa kuwa nao wakati wa mzee mchonga umeongezeka maradufu?”

“Jamani achana na habari za Luwasha. Hizo habari na utetezi muachia Kimdunge Ngumbaru Mwehu anayelipwa kwa kazi hiyo. Tunachoongelea hapa ni matumizi ya raslimali za umma kwenye kampeni za chama fulani. Hivyo, tunachopaswa kudurusu ni hiki si akina Luwasha ambao wamefutwa kwenye ramani ya siasa za wachovu,” anajibu Msomi Mkatatamaa huku akibofya ki-sumsung galaxy 6 chake.

Kanji anaamua naye kula mic mapema, “Hii Kanyaji Kufuli iko very powerful. Kama pinjani pana pata mtu iko na guvu kuba hii Kufuli naweza funga yeye.” Kijiwe hakina mbavu anavyobukanya Kiswahili ambacho anajifanya kutokijua wakati anakifahamu vizuri tu.

“Ni kweli Makufuli ana nguvu usipime ingawa bado wapingaji tunaweza kumuangusha. Nina imani na kidume chetu mzee Mpayukaji Msemahovyo. Hivyo, sina shaka ya ushindi ingawa hili la kutumia njuluku zetu linapaswa kulaaniwa kwa nguvu zote. Hii ni aina fulani ya uchakachuaji ambapo wagombea wa chama twawala wanaanza kampeni kabla ya wenzao,” analalamika Kapende.

Mipawa anaamua kutia guu, “Mie sioni tishio la Makufuli hasa ikizingatiwa kuwa mtu binafsi hata angekuwa msafi namna gani, anapowakilisha chama kichovu na kichafu anapigwa chini tu. Nadhani tunachopaswa kufanya ni kushinikiza wahusika waache kucheza rafu kwa kuanza kampeni kwa kisingizio cha kujitambulisha kabla ya kipenga kupulizwa.”

Mheshimiwa Bwege anaamua kutia guu, “Japo ni kweli Kanywaji ana nguvu sana kutokana na uchapakazi wake, chama chake kina kashfa lukuki ambazo anapaswa kueleza anavyoweza kujitenga nazo wakati naye alikuwa kwenye lisirikali lile lile. Pia ningependa nimsikie anasema nini kuhusu kashfa kama EPA, Richmonduli na Escrow vinginevyo nakubaliana na Ami wote ni wale wale tu. Kambale ndani ya dimbwi lile lile.”

Mzee Maneno naye anakwanyua mic na kuronga, “Mimi sioni kama tuna haja ya kumgwaya Makufuri. Kama yeye ameweza kuwapiga chini wagombea tishio kama Luwasha, kwanini nasi tusimpige chini pamoja na kutojulikana wala kuwa na makandokando mengi kama haya anayopewa? Nadhani kujulikana kungekuwa dili basi Luwasha angekuwa sasa anachekelea badala ya kuugulia na kulalamika akimtumia babu yake mzee Kimdungu Ngumbaru Mwehu.”

Kapende anakwanyua mic tena, “Pamoja na yote, mimi nina tabu na huyu manzi Suluhisho aliyeteuliwa na Kanywaji. Je mnaweza kutupa CV yake? Maana naye hajulikani hata kidogo. Mie nilidhani Aminia angetesa baada ya kuanguka chali kumbe Kanywaji alikuwa na mtu wake! Kweli CCM chama cha mizengwe!”

Msomi anarejea na kusema, “Huyu manzi asikupe taabu. Una habari kuwa makamu wa rahis hapa kayani huwa si kazi zaidi ya kufungua matamasha na mikutano tu? Kwa ufupi ni kwamba huyu manzi alikuwa waziri kwenye lisirikali la muuganiko na hakujulikana sana. Ila ukimchunguza ni bora kuliko Aminia au Saidia Mkuyati kihiyo aliyepewa uwaziri wa njuluku wakati ni kihiyo kama naibu wake Adam wa Milima ya Kigoma.”

“Msomi unaongelea vihiyo? Hujaona mama Kipaza Sauti Anayecheza Makidamakida alivyoogopa kuchukua fomu kwa vile hana digrii ingawa siku zote hupenda kujionyesha kama msomi wakati ni kihiyo aliyevuruga mjengo wetu kwa kuwakingia kifua mafisadi?”

Mijjinga anarejea tena na kula mic, “Mie nadhani tusihangaike na wagombea wa CCM. Tumpe tafu mgombea wetu mzee Mpayukaji na ikiwezekana kesho aitishe mkutano wa waandishi wa habari na kulaani huu uchafu wa kutumia raslimali za umma kupiga kampeni chini ya kisingizio cha kujitambulisha. Wanajitambulisha kwani wao si wabongo au janja tu ya kucheza rafu?”

Kijiwe kikiwa kinaanza kunoga si ukapita msafara wa Dk Kanywaji akielekea zake Mbagala kwenda kupiga kampeni. Acha tumzomee kwa kuanza kampeni kabla ya wakati wake!

Chanzo: Tanzania Daima Julai 22, 2015.

Tulijua Mahiga na Ramadhan wasingepita

          Baada ya kutangaza au kutia nia kwa wanachama wengi wa Chama Cha Mapinduzi (CCM), wengi tulihoji mantiki ya wageni nao kutaka urais tena kupitia chama chenye kila aina ya mizengwe. Wageni hawa katika siasa za ki-CCM si wengine bali jaji mkuu wa zamani Augustine Ramadhan au mwanadiplomasia ambaye hakuonyesha tangu mwanzo kuwa angejiingiza kwenye siasa Augustine Mahita ni ushahidi kuwa CCM imechafuka kweli kweli.

Kwa wanaojua mchezo huu mchafu wa siasa, walihoji zaidi mantika ya wahusika hawa walioonekana kuwa wanagezi, wasio na mitandao wala uchafu kujiingiza kwenye tanuri la moto. Wapo walioona kuwa CCM baada ya kufilisika kimikakati, kimbinu na kimaadili–tokana na kuwa vigogo mafisadi, wazee, wachovu na wachafu–kama iliwahitaji wahusika lau kuweza kupata mtu safi wa kuinasua kwenye mitego iliyomo.  Kudhani hivyo ilikuwa kosa. Kwani, wapo walioona kuwa wageni hawawezi kuaminiwa madaraka makubwa kama haya wakati wakubwa wa chama wakiwa na skandali kibao ambapo wangetaka mwenzao wa kuwalinda. Nani–kwa mfano–angemwamini mwanajeshi–tena mwenye wa cheo cha juu na mwanasheria jaji–urais ili awaumize wenye maskandali yao?

          Sasa jogoo –sijui bata –limewika Dodoma. Walioonekana kuwa safi wameenguliwa, waliovuma kadhalika. Badala yake, wameletwa wengi ambao hawakutarajiwa. Kwa kuwakatas wasafi, CCM imeonyesha na kuziweka wazi hisia kuwa haiwezi kuhitaji watu wa namna hii kwa kuogopa kuigeuka kuwa kweli.  Kwa kuwaengua makada wake wenye ushawishi mkubwa, si ajabu CCM ikajikuta mahali ilipoishia KANU nchini Kenya kama makada hawa kama vile Edward Lowassa, Fredrick Sumaye na wengine wataamua kujiunga na upinzani kwenye uchaguzi ujao chini ya makubaliano fulani. Je kwa siasa za Tanzania hili linawezekana? Nina shaka nalo.

Pia ukweli kuwa mgombea mmojawapo aliyepenya, John Pombe Magufuri si mwenye mawaa mengi, linafanya kambi zote mbili yaani CCM na upinzani kupata wakati mgumu. Kama mitandao ya CCM itaunganisha nguvu, upinzani utakuwa na kibarua kikubwa japo inategemea kati ya watano waliovuka kihunzi cha kwanza atachomolewa nani. kama tulivyosema hapo juu, CCM itakuwa na kazi ngumu ya kuja na mtu anayeuzika ambaye katika watano waliopita  anajulikana kutokana na utendaji kazi wake. 

Tukirejea juu ya ni kwanini Mahiga na Ramadhin wasingepita, walikuwa na sifa moja kubwa ya usafi tofauti na wenzao. Maana, zaidi yao, wote waliojitokeza walikuwa wachafu bila kujali sifa ndogo ndogo walizojipa ili kuwazuga na kuwaingiza mkenge wananchi na wapiga kura.  Wapo waliochafuliwa na uroho, tamaa, au udokozi kama mwenzao alivyowahi kuwananga. Wapo waliochafuliwa na uongo yaani kusema hili wakatenda hili. Wengine walikuwa na sifa ila umri uliwatupa mkono hasa ikizingitiwa kuwa wengi walianza na awamu ya kwanza na sasa wako na tano. Wapo wababaishaji waliokuwa wakitafuta sifa na namna ya kuwa karibu na atakayepitishwa au kushinda ili wapate mlo wao. Hawa kimsingi, ni waganga njaa au wachumia tumbo wanaotafuta ulaji mdogo na si ulaji mkubwa kama urais. Walikuwapo waviziaji wanaotegemea kubebwa ima na jinsia zao au makundi na upuuzi mwingine. Walikuwapo akina Uvuruge waliolenga kuwakwamisha wenzao kama si kutumiwa na mahasimu wao. Walikuwapo wasaka umaarufu wa shilingi mbili na upuuzi mwingine kama huo, pia wapo wasiojua hata kilichowasukuma kugombea.

          Kwa mfano unajiuliza mantiki ya kapuku aliyetegemea michango ya hisani kugombea tena kwa kutoa milioni moja aliyoomba. Je huyu kweli alikuwa serious? Je alikuwa akitafuta nini kama si umaarufu na wengine kuondoa ushamba kwa kupata fursa ya kuchangiwa waizunguke nchi? Hata ukiwauliza wote waliokuwa wamejitokeza nini sera zao, utaambulia maajabu. Wengi hawakujinadi kwa sera zaidi ya sifa binafsi.

Wageni walikuwa bora. Lakini kuwaamini ilikuwa vigumu kwa kuhofia hatari  ambayo wengeweza kusababisha wakiwa madarakani hasa kufumua uoza uliopo ambao ndiyo njia kuu ya ulaji kwa walio wengi madarakani.Hivyo, hawa walifaa kwa umma lakini  walikuwa hatari kwa mafisadi. Pia upo upande wa pili. Sasa CCM imeonyesha wazi kuwagwana na kutowaamini wasafi. Je upinzani utalitumiaje hili kubadili upepo?

          Kama watanzania wataamua kutorudia makosa, hawana sababu hata moja ya kuichagua CCM tena. Kwani licha ya kuzeeka, kuchoka, imeishiwa na kuisha kiasi cha kustahiki kupumzishwa lau ijifunze. Na hakuna haja ya kuogopa kuiwajibisha CCM.  Kwani, haitakuwa ya kwanza. Tuliona vigogo wenzake kama KANU (Kenya) MCP (Malawi), UNIP (Zambia) na vingine vingi vilivyolizwa na nchi zikasonga mbele. Hivyo, kupata wagombea kama watajawa hapo juu bado si dawa kwa CCM ambayo haina tofauti na sikio la kufa.

Kimsingi Mahiga na Ramadhani wanaonyesha uoza wa CCM ambao hawawezi kuundoa kutokana na kanuni na ushawishi wa ndani ya chama. Hivyo, hata kama mmojawao angepitishwa wasingebadili lolote zaidi ya kubadilishwa. Kwa majina yaliyopitishwa, bado CCM ina kazi hasa kama waliotemwa wataamua kuiadhibu kwa kujiunga na upinzani kama ilivyotokea Kenya mwaka 2002.

Chanzo: Tanzania Daima Julai 19, 2015.

Look at how stupid and venal African rulers spend their loots

Pombe for president and pombe for boozers

• 

          Now the cat is out of the hat. Dr John Kanywaji Makufuri is officially a Chama Cha Mapenzi sorry, Mapinduziii (CCM) flag bearer. This dude didn’t reach at this pinnacle easily. He’d to outsmart other bigwigs who made a goof thinking they’re unbeatable anointed ones. We congratulate you on this milestone.

Now boozers are saying, “John for president, Pombe for boozers and Makufuli for fisadis.” Despite being very competent, Makufuli wasn’t expected to easily and shrewdly beat politicos such as Eddie Luwasha who seems to have spent a lot of his dosh to this pipedream. Again, apart from congratulating Makufuli as we wish him well, it’ll be unfair to not congratulate President Jake Kiquette on living up to his words. Remember. He assured boozers that he won’t doctor the results as far as CCM flag bearer is concerned. Secondly, we wholeheartedly congratulate Luwasha whose fans and goons were expected to wreak havoc after his name failed even to feature in the five best.

Now that the Jembe, Makufuli is in the game, the opposition needs to play its cards skilfully well. I understand. Many opposition sympathizers used to pray that CCM make a goof and bring Luwasha whom they’d have easily barbequed due to his taints. Now that the big machine, JPM is facing off with the opposition, maybe, CCM won’t even need to chakachua or play any foul. What for?

Makufuli seems to have what it takes. First, he is well educated. Having a PhD –not an honorarium –in chemistry is not a joke.

Secondly, the dude is highly experienced especially in sewage politics of the hunk. He seems to have no cloud of corruption over him.

Third, the due is shrewd. He speaks the language of paupers and boozers well. Having no mtandao is another asset for him.

Fourth, if he was able to get many votes within his party despite having a lot of evil networks without having any, this means the dude is a good schemer who can put the opposition back to the opposition benches in the house once again.

Fifth, compared to all others including the opponents, Kanywaji has a very shining legacy of being a hard worker. What he needs to do is not to slow down after getting to the pinnacle of power in the hunk.

Now that the dude is in the big picture, we need to offer him free nuggets of wisdom based on our kanywaji and bangi experience.

First of all, Kanywaji Makufuli must not allow his wife, Janet to form an NGO just like the outgoing couple. Having a suspicious NGO for the first lady creates disrepute to the cleanliness of her husband. She is not known up till now. So, when she must keep a low profile so that to enable her husband to exit power with a good legacy.

Second, Kanywaji Makufuli must declare his wife’s and his wealth even before getting into the office.

Third, he must watch his close friends, relatives and associates not to forget some corrupt businesspersons who will pretend to be generous to him while they actually won’t be so for him as a bin-Adam but for his office.

Fourth, Dr Kanywaji must make sure that he takes on graft and drugs. For, our hunk is one of much tainted hunks in the world as far as graft and drug trafficking are concerned.

Fifth, he must make sure that our dosh stashed abroad is reclaimed and be brought back home.

Sixth, he must make sure that those behind EPA, Escrow and Richmonduli are being brought to book.

Seventh, he must see to it that all bogus investment contacts are declared void so as to create room for the renegotiation of the same based on national interests but not individuals’ interests as it has always been since mzee Ruxa’s era.

Eighth, Dr of Chemistry must use his alchemy to see to it that the code of ethics is rejuvenated failure to which I won’t see any difference between him and Jake.

Ninth, he’d restudy Kiquette’s shortfalls in order to avoid repeating the same madudus.

And tenth, he must fear and avoid globetrotting, begging and borrowing just like leprosy. By so doing, he’ll be able to inculcate discipline into his subordinates easily. For the rooster taught chicks to poo in the bed.

For today, suffice it to say, congrats John Kanywaji Makufuli, CCM Luwasha, Kiquette and all others who made it possible to reach this milestone.

Kanywaji for president, Pombe for boozer, and Makufuli for fisadi. Kanywaji hoyeee! Makufuli hoyeeee! I wish you well and best of luck my friend and welcome to kanywaji and ban---stop!

Source: Guardian July 19, 2015.