Kitendo
cha binti wa kitanzania kupigwa, kudhalilishwa, kuchomewa gari na kuvuliwa nguo
hadharani na wananchi wenye hasira mjini Bangalore India licha ya kuwa cha
kibaguzi na cha kinyama, kimedhalilisha taifa letu. Hakuna namna nyingine ya
kuelezea jinai hii itokanayo na ubaguzi–tena unaofanywa na jamii ambayo
tumeifuga hata baada ya kuletwa na wakoloni kutuhujumu kwa kununua mazao yetu
kwa bei nafuu na kuwauzia waliowaleta–ni
cha kulaaniwa kwa nguvu zote. Kitendo hiki kinaibua chuki na dharau dhidi ya
waafrika kwa ujumla wao vilivyokuwa vimejificha kwenye jamii ambayo tumekuwa
tukidhani ni wenzetu kumbe siyo. Huu ni ushahidi kuwa–kwa wabaguzi hawa–hata
wanyama wana thamani kuliko mtu mweusi.
Kwa
mujibu wa NDTV ya India, binti mtanzania alifikwa na balaa hili baada ya kijana
wa Kisudan kumgonga mama wa kihindi jambo ambalo lilihalalisha mashambulizi
dhidi ya muafrika yeyote waliyemuona mbele yao. Japo wengi wanaweza kurahisisha
tukio hili kama watu wenye hasira ambao wako katika kila nchi, kitendo cha
kulenga mtu kwa sababu ya rangi yake–na si ushiriki wake katika kutenda
kosa–kinaonyesha ubaguzi na chuki vya wazi wazi dhidi ya waafrika. Sijui kama
waliotenda jinai hii ya kibaguzi wanafahamu kuwa wana ndugu zao wateule
wanaoishi kwenye nchi za hao hao weusi wanaowachukia, kuwabagua, kuwadhalilisha
na kuwadharau. Je kama na wahanga wa ubaguzi huu–Mungu apishie mbali–wataamua
kufanya jino kwa jino, kutakalika. Ndiyo, maana hakuna mtu mwenye akili zake
ataonewa, kunyanyaswa, kubaguliwa na kudharauliwa asijihami kama mtu binafsi au
jamii. Hii ni hulka ya binadamu yeyote mwenye akili timamu ingawa waafrika
hawana silka na hulka ya ubaguzi au ulipizazi visasi. Hata hivyo, mambo
yamebadilika.
Tuseme wazi bila uficho wala woga. Kumekuwa na
unafiki na woga wa kuwaambia wenzetu kuwa mfumo wao wa kibaguzi haupaswi kuwa
nafasi katika bara hili. Ni bahati mbaya kuwa ni watu wachache waliokuwa na ithibati
na uthubutu wa kuliona hili na kulisemea wazi wazi wakiongozwa na marehemu
mchungaji Christopher Mtikila ambaye ukali wake angalau ulipunguza makali ya
ubaguzi wa wazi.
Pamoja
na ndugu zetu wa kihindi kuishi nasi kwa miaka nenda rudi, wamejitahidi
kuendeleza mfumo wa kibaguzi –utokanao na jadi yao ya matabaka, caste system–nasi,
kwa woga, ujinga na hata ufisadi, tumeuvumilia na kuuzoea kana kwamba ni haki.
Sasa unaanza kutugeukia ambapo watu wetu hawana hata uhuru wa kwenda kwao na
kuishi bila bughudha kama wanavyoishi kwetu.
Ni vizuri unapoibua hoja kuitolea ushahidi. Hebu jiulize–kwa mfano–leo
utaona waswahili waliooa au kuolewa na wazungu lakini si kwa wahindi. Kwanini
tena kwa jamii ambayo tumeishi nayo kwa miaka mingi kama hakuna harufu ya
ubaguzi ingawa suala la nani amuoe au kuolewa na nani ni haki ya mtu binafsi?
Hata hivyo, haiwezekani kwa jamii nzima yenye watu wengi wasitokee wachache
wakavunja mwiko huu wa kibaguzi kama hakuna namna ya kuzuia hili kutokea. Kimsingi, ujinga wetu umelea huu ubaguzi.
Wengine wana hata mashule yao binafsi kwa kisingizio cha dini na mambo mengine
ya kijinga na kibaguzi. Wanaishi kwenye maeneo yao maalumu hasa katika kati ya
miji kwenye nyumba za Msajili ambazo marehemu baba wa taifa alitaifisha baada
ya kugundua zilivyokuwa zimejengwa kwa fedha iliyotokana na kuwanyonya na
kuwaibia waswahili.
Waswahili
ni watu wakarimu lakini si wajinga na wapumbavu kiasi cha kubaguliwa wazi wazi
hivi. Sijui kama kuna mbunge Mswahili huko India ikilinganishwa na hapa. Sijui
kama kuna waswahili wanapewa hata huo uraia wa India ingawa hauna faida wala
thamani kwao. Rejea Waswahili wajulikanao kama Jarawa kwenye kisiwa cha Andaman
huko India ambao–pamoja na kuishi karne ya ishirini na moja–bado wametengwa na
kuishi kama wanyama huku wenyeji wao wakiwatumia kama kivutio cha utalii. Je
wao wangefanyiwa hivyo hapa wangefurahi?
Hata
hivyo, binadamu ana nini hadi ambague mwenzie wakati akijisaidia bila kutawaza
au kuishi bila kupiga mswaki ananuka kuliko hata nguruwe? Heri mbuzi na ng’ombe
wangetubagua na ingeleta maana hasa ikizingatiwa kuwa huwa hawatawazi
wanapojisaidia wala kupiga miswaki kila uchao lakini bado hawanuki. Kwanini
serikali ya India haiwaambii ukweli watu wao kuwa nchi nyingi za kiafrika
–baada ya kuua huduma zao za jamii –zinatunisha hazina yake kwa kupeleka
wagonjwa na wanafunzi kule ukichia mbali kununua bidhaa feki toka kule mbali na
kuwahifadhi watu wao walioletwa na wakoloni? Najua ukweli huu unauma. Ila ndiyo ukweli ambao tunapaswa kuambiana
ili tuthaminiane na kuheshimiana. Nani hajui kuwa baadhi ya wabaguzi hawa
huwanyonya wafanyakazi wengi wa Kiswahili huku mamlaka zetu za hovyo zisifanye
kitu kana kwamba hazijui uwepo wa jinai hii ya ubaguzi?
Tumalizie kwa kuuliza. Nani
atamshughukia nani ilhali wengi wao ni wawezeshaji wa kashfa za wizi wa
mabilioni wakishirikiana na wezi wazawa wenye mamlaka. Rejea kashfa za escrow
na Singasinga nyuma yake, mashamba, Chavda na rada, Vithlani ukiachia mbali
kashfa ya ndege ya Valambia.
Chanzo: Tanzania Daima, Feb., 14, 2016.
No comments:
Post a Comment