Kwa wanaokumbuka namna kashfa ya Escrow ilivyoibuliwa na wanahabari waliopasisha nyaraka kwa mbunge wa zamani wa Kigoma Kusini Davy Kafulila, watakumbuka misukosuko iliyompata dogo huyu. Guess what. Alipowayataja majizi ya Escrew screw them akiwamo pilato wa zamani aliyekuwa mwanasharia mkuu wa lisirikali Fred We-rema si akamuita tumbili! Walevi tulipigwa na butwaa kuona mheshimiwa akijigeuza muishiwa kulinda ufuska wake wa kiuchumi.
Ama kweli Bwana God hamfichi mbaya wala kukubali mja wake adhulumiwe. Si juzi dingi kaamua kuweka mambo wazi. Akiwa kule Mwisho wa Reli, ambako unaruhusiwa kujichagulia kabila na kubadili utakavyo, aliamua kumpa tafu Kafulila ambaye watani wake zama zile wakimuita Kafulia wasijue watakaofulia ni wale aliwaandamana kwa kuwaibia walevi. Una habari kuwa kule Kigooma watu huchagua waitwe kabila gani? Unaweza ukawa Mmanyema leo na kesho ukaamua kuwa Mzaramo kwa vile umetokea Dar. Akina Mugabo mwiriwe wananipata bila kusahau akina mimi natokea Kongo wakati ukweli ni kwamba ni jamaa wa Kigoma tu. Akirejea toka Dar huyu Mkongo wa mkorogo anawakoga wenzake kuwa yeye ni Mzaramo kwa vile ameamua kuigiza lafudhi ya kizaramizi. Wale jamaa zangu toka Burundi walioamua kujipa utanzania wananipa kama yule shehena ajifanyaye kutetea haki za jamaa fulani wakati ni mpigaji wa kawaida. Hayo tuyaache. Hakuna njemba iliyomkuna dingi wa kutumbua majibu hadi akasema hadharani kuwa wale walimwita Kafulila Tumbili wajiandae kuwa tumbili. Nadhani walevi wote mnajua tunachomfanya tumbili tunapomfuma akila mazao. You don’t look him in face, yaani humwagalii usoni zaidi ya kumtwisha nyundo au rungu. Je hii ni meseji kwa akina We-rema waliokufuru hadi kuwaita wenzao nyani wakati wakijua walichokuwa wakituhumiwa nacho ni ukweli mtupu?
Kwa vile tumbili wengine wa Escrow wako lupango wanonihino kwenye debe pamoja na ukwasi wao wa kuwakwapulia walevi, sina shaka tumbili waliomwita Kafulila tumbili wajiandae kugeuzwa tumbili kwa kutupwa lupango wakingoja kunyolewa na pilato bila maji. Pamoja na mibangi na ulabu wangu, I like this. Kula na kulipa bwana. Ukiishi kwa upanga utakufa kwao. Huwa sina tabia ya kujigonga kwa dingi kama wale wanaomvisha kiremba cha ukoka kwa kumuita dingi mpendwa wakati hawampendi zaidi ya kutaka kumtumia kusaka tonge. Leo nampongeza kwa kumfariji Kafulila. Nangoja kuangusha party nitakapowaona tumbili wa kweli waliomwita Kafulila tumbili wakiburuzwa lupango lau wakaimbe kwaya na wenzao akina Rugemaliza na Singasinga ambao wameanza kupoa na kuzoea lupango. Biblila ilisema wazi: Usihukumu usije kuhukumiwa. Sitaki nihukumu. Inaumiza sana, hasa kwa sisi walevi, kuona mijizi ya Escrow ikiwaita watu wema tumbili wakati yenyewe ndiyo mitumbili squared. Shame on you tumbiliz.
Yupo mwingine aitwaye A Liar Kim Maswiswi aliyemwambia Kafulila kuwa kama ni mwanaume kweli basi ayaseme aliyoyasema mjengoni akiwa nje ya mjengo ili amuonyeshe alivyo jike. Sijui kati ya Kafulila na A Liar Kim sasa nani mwaname na mwanamke wa shoka. Kama A Liar Maswiswi asingekuwa mwizi wa Escrew, huenda ningeenda kuchumbia lau ningoze jiko jingine hasa ikizingatiwa kuwa sisi akina Mura Mlevi tunaruhusiwa kufanya ufuska kwa kusingizia mila za kuoa wake wengi. Hivi itakuwaje siku ambayo wanawake nao watataka waolewe na wanaume wengi? Naona yule anasonya kuwa nakufuru. Hakuna cha kukufuru. Kama nyinyi mnaotetea mitala mnatanua na kutangaza sera zenu kwa kisingizio cha dini, kwanini nasi walevi tusitangaze sera zetu hata kama hatutaki kusingizia dini na mila?
Kwa wale ambao madingi zao walioa wanawake wengi wajiulize kama mama zao wangeolewa na waume wengi wangejisikiaje. Au ni yale ya mkuki kwa kitimoto? Kwanini waja wazima hawapendi kukubali kuwa penzi ni kama tone la maji; haligawanyiki?
Tukirejea kwa ya Kafulila, Magufuli Tumbili na We-rema, walevi wanangoja kwa hamu kuona We-rema akigeuza tumbili ili aonje adha ya adha aliyoiasisi mwenyewe asijue mwishowe atageuzwa yeye kuwa tumbili. Bado akina profedheha Muongo na Anna Kajuamlo waliotukoga kuwa tutaisoma namba wasijue nao ikifika zamu yao wataisikia namba na siyo kuisoma.
Nimalizie kwa kuwataka wale waliowaita wenzao tumbili wakubali wa tumbili tena wa lupango na siyo wa mjengoni kama alivyokuwa Kafulila ambaye dingi juzi alimkosha na kumuosha madhambi yake kwa kutambua mchango wake katika kupambana na ufisadi kwa vitendo na si ngojera kama zama za Njaa Kaya na Nkapa Nkapa Tunituni Beni.
Chanzo: Nipashe Jumamosi leo
No comments:
Post a Comment