Watanzania rejeeni kwenye mambo muhimu

Ingawa tumesikitishwa na kifo cha Steven Kanumba, kuna haja ya kuuangalia ukweli kama ulivyo. Pamoja na kupewa heshima kubwa kuliko hata aliyostahiki kutokana na wakati wa kifo chake, sasa basi turejeeni kwenye mambo muhimu. Tumefanikiwa kuuonyesha ulimwengu kipaumbele chetu hasa kujali sana usanii kuliko uchapakazi. Najua wengi hawatapenda mawazo haya. Ukweli ni kwamba nimeshangaa kuona Kanumba akishabikiwa na viongozi kuliko hata marehemu makamu wa rais Omar Juma. Kunani? Je hii ni sawa? Sikuona rais, kwa wakati tofauti na mkewe, na vigogo wengine wakimiminika kwenda kwenye msiba wa Omar Juma kwa spidi kama hii. Hakika Tanzania ni nchi ya wasanii.
Bwana alitoa Bwana amechukua. Maisha yanaendelea. Turejee kwenye kupambana na ufisadi, usanii, uvivu na urongo basi. Au siyo?